- Tirur Road,Kuttippuram,Malappuram
- Phone: +917592997991
- hayathmedicare@gmail.com
കാൽസ്യത്തിൻ്റെ കുറവ് ശരീരത്തിൽ പല തരത്തിലുള്ള പ്രശ്നങ്ങളാണ് ഉണ്ടാക്കുന്നത്. വേദനകളെ അവഗണിച്ച് കളയാതെ കൃത്യമായി ചികിത്സ തേടേണ്ടത് ഏറെ പ്രധാനമാണ്.
ശാരീരികമായ പല മാറ്റങ്ങളും പലപ്പോഴും പല രോഗങ്ങളുടെയും ലക്ഷണമാകാം. ശരീരത്തിലുണ്ടാകുന്ന വേദന, പെട്ടെന്ന് മെലിഞ്ഞ് പോകുന്നത്, അമിതമായി വണ്ണം വയ്ക്കുന്നത് തുടങ്ങി പലതും രോഗലക്ഷണങ്ങളാകാം. പൊതുവൈ പ്രായമായവർ കാലിലെ വേദന, കൈകളിലെ വേദന എന്നിവയൊന്നും കാര്യമാക്കാറില്ല. പക്ഷെ കൃത്യമായി ചികിത്സ തേടിയില്ലെങ്കിൽ ഇത് ഒരുപക്ഷെ മറ്റ് വലിയ പ്രശ്നങ്ങളിലേക്ക് നയിച്ചേക്കാം. മനുഷ്യ ശരീരത്തിലെ വിവിധ അവയവങ്ങൾ പല തരത്തിലുള്ള പ്രവർത്തനങ്ങളിലൂടെ ആണ് കടന്ന് പോകുന്നത്. ഓരോ പ്രായത്തിലും ശരീരത്തിന് ആവശ്യം പല തരത്തിലുള്ള പോഷകങ്ങളായിരിക്കും. ശരീരത്തിലെ വൈറ്റമിനുകളുടെയും പോഷകങ്ങളുടെയും കുറവ് ശ്രദ്ധയിൽപ്പെടുന്നത് പല തരത്തിലുള്ള ലക്ഷണങ്ങളായിരിക്കാം.
കാൽസ്യം
ശരീരത്തിന് പല തരത്തിലുള്ള പ്രശ്നങ്ങളാണ് കാൽസ്യത്തിൻ്റെ അഭാവം മൂലം സംഭവിക്കുന്നത്. എല്ലുകളുടെയും പല്ലുകളുടെയുമൊക്കെ ആരോഗ്യത്തിന് ഏറ്റവും പ്രധാനമാണ് കാൽസ്യം. ചെറുപ്പം മുതലേ പാലുൽപ്പന്നങ്ങൾ കഴിക്കുന്നവർക്ക് എല്ലുകളുടെ പ്രശ്നങ്ങൾ അധികം ഉണ്ടാകാറില്ല എന്നതാണ് വാസ്തവം. ഇവർ പ്രായപൂർത്തിയാകുമ്പോഴോ വാർദ്ധക്യത്തിലോ മാത്രമേ എല്ലുകളുമായി ബന്ധപ്പെട്ട രോഗങ്ങൾ നേരിടേണ്ടിവരൂ. പാലിന് പുറമേ, തൈര്, ചീര, ബ്രൊക്കോളി, മറ്റ് ഇലക്കറികൾ തുടങ്ങിയവ കാൽസ്യം അടങ്ങിയ ഭക്ഷണങ്ങളാണ്. നല്ല ആരോഗ്യത്തോടിരിക്കാൻ കാൽസ്യം വളരെ പ്രധാനമാണ്.
പേശിവലിവ്
എല്ലിനും പല്ലിനും മാത്രമല്ല പേശികൾക്കും കാൽസ്യം വളരെ ആവശ്യമാണ്. നല്ല ആരോഗ്യമുള്ള മസിലുകൾക്ക് അതുപോലെ വേദന ഇല്ലാതിരിക്കാനും കാൽസ്യം ഏറെ പ്രധാനപ്പെട്ടതാണ്. പേശീവലിവ് മൂലമാണ് പലപ്പോഴും കൈ വേദന ഉണ്ടാകുന്നത്. പ്രത്യേകിച്ച് തുടയിലെ പേശികളിൽ ഇടയ്ക്കിടെ വേദന ഉണ്ടാകാറുണ്ട്. ഇതിനർത്ഥം ശരീരത്തിൽ കാൽസ്യത്തിന്റെ അഭാവം ഉണ്ടെന്നാണ്. വേണ്ടത്ര ശ്രദ്ധ നൽകി പേശികളെ സംരക്ഷിക്കേണ്ടതും ഏറെ പ്രധാനമാണ്.
നഖങ്ങൾ പൊട്ടുന്നു
എല്ലുകളെപ്പോലെ നമ്മുടെ നഖങ്ങളിലും കാൽസ്യം ധാരാളം അടങ്ങിയിട്ടുണ്ട്. കൃത്യമായ ഭക്ഷണശൈലിയിലൂടെ മാത്രമേ കാൽസ്യം ശരീരത്തിൽ ലഭിക്കൂ. നമ്മൾ കഴിക്കുന്ന ഭക്ഷണത്തിൽ നിന്ന് ആവശ്യത്തിന് കാൽസ്യം ലഭിക്കാതെ വരുമ്പോൾ നഖങ്ങൾ ദുർബലമാവുകയും ചെറിയ സ്പർശനത്തിൽ തന്നെ പകുതി പൊട്ടിപ്പോകുകയും ചെയ്യും. എത്ര നഖം വള‍ർത്താൻ ശ്രമിച്ചിട്ടും അത് പറ്റാത്തവർക്ക് ചിലപ്പോൾ കാൽസ്യത്തിന്റെ കുറവ് മൂലമായിരിക്കാം.
അസ്ഥി സാന്ദ്ര കുറയുക
ചിലരെ ശ്രദ്ധിച്ചിട്ടില്ലെ പെട്ടെന്ന് എല്ലിന് പൊട്ടലുകൾ സംഭവിക്കാറുണ്ട്. ചെറുതായിട്ട് എവിടെയെങ്കിലും തട്ടിയാലും മുട്ടിയാലുമൊക്കെ പൊട്ടി പോകുന്നത് ഏറെ പ്രശ്നമുള്ള കാര്യമാണ്. പ്രായമാകുന്നവരിൽ ഇത്തരത്തിൽ എല്ലുകളുടെ പ്രശ്നം വളരെ വലിയ രീതിയിൽ കണ്ടുവരാറുണ്ട്. പ്രായമേറുന്തോറും ഇത് നമ്മുടെ എല്ലുകളെ ബലപ്പെടുത്തുക മാത്രമല്ല എല്ലുകളുടെ സാന്ദ്രത നിലനിർത്തുകയും ചെയ്യുന്നു. എന്നാൽ ശരീരത്തിലെ കാത്സ്യത്തിന്റെ അളവ് കുറയുന്നത് എല്ലുകളെ ദുർബലമാക്കുകയും ഒരു ചെറിയ ഇടി പോലും എല്ലുകൾ പൊട്ടാൻ ഇടയാക്കുകയും ചെയ്യും.
നിരന്തരമായ ക്ഷീണം
ശരീരത്തിന്റെ പ്രതിരോധ സംവിധാനത്തെ നല്ല രീതിയിൽ നിലനിർത്തുന്ന കാൽസ്യം ശരീരത്തിൽ കുറവായാൽ ശ്വാസനാളത്തിലും കുടലിലും അണുബാധ ഉണ്ടാകാൻ സാധ്യതയുണ്ട്. കാൽസ്യത്തിന്റെ അഭാവം പലപ്പോഴും രോഗാണുക്കളെ നമ്മുടെ ശരീരത്തിന്റെ ആരോഗ്യത്തെ ബാധിക്കുകയും നമ്മെ രോഗികളാക്കുകയും ചെയ്യുന്നു. കാൽസ്യം കുറവുള്ളവരിൽ ഇടയ്ക്കിടെ എല്ലുകളിലും സന്ധികളിലും വേദന അനുഭവപ്പെടാറുണ്ട്. കാത്സ്യത്തിന്റെ അളവ് കുറവാണെങ്കിൽ, രാത്രി ഉറക്കം നല്ലതല്ല, ഒരുതരം മാനസിക പരിഭ്രാന്തി നിലനിൽക്കുന്നു.
ഏതെങ്കിലും ജോലിയുടെ കാര്യത്തിൽ മാനസിക പിരിമുറുക്കം വർദ്ധിക്കുകയും എല്ലാ സാഹചര്യങ്ങളിലും ക്ഷീണവും അലസതയും നിലനിൽക്കുന്നു. പ്രസവശേഷം സ്ത്രീകളിൽ
ആർത്തവ സമയത്ത് വേദന
സ്ത്രീകൾക്ക് കാൽസ്യം കുറവുണ്ടെങ്കിൽ, ആർത്തവ സമയത്ത് അവർക്ക് ധാരാളം വേദന അനുഭവപ്പെടാൻ സാധ്യതയുണ്ട്. ശരീരത്തിൽ ആവശ്യത്തിന് കാൽസ്യം ഉണ്ടെങ്കിൽ, ആർത്തവസമയത്ത് വേദന കുറയും. എന്നാൽ കാൽസ്യം കുറവായാൽ അമിത രക്തസ്രാവവും വേദനയും കൂടുതലായി കാണപ്പെടുന്നു. ഗർഭാശയത്തിൻറെ ശരിയായ വളർച്ചയിലും സ്ത്രീകളിൽ അണ്ഡാശയത്തിന്റെ ഹോർമോൺ ഉൽപാദനത്തിലും കാൽസ്യം ഒരു പ്രധാന പങ്ക് വഹിക്കുന്നു.
