- Tirur Road,Kuttippuram,Malappuram
- Phone: +917592997991
- hayathmedicare@gmail.com
നാം പലപ്പോഴും സദ്യകള്‍ക്കും പുറത്ത് നിന്നു കഴിയ്ക്കുമ്പോഴും പേപ്പര്‍ കപ്പുകളും പ്ലേറ്റുകളുമെല്ലാം
ഉപയോഗിയ്ക്കുന്നവരുണ്ട്. പ്രത്യേകിച്ചും ചൂടുള്ള ചായയും കാപ്പിയുമെല്ലാം. ഇതിന് ദോഷഫലങ്ങള്‍ പലതുമുണ്ട്
നാം പലപ്പോഴും പേപ്പര്‍ കപ്പുകളിലും പ്ലേറ്റുകളിലും ഭക്ഷണം കഴിയക്കാറുണ്ട്. പലയിടത്തും പേപ്പര്‍ കപ്പിലാണ് ചൂടുചായയും
കാപ്പിയുമെല്ലാം നല്‍കുക. ഇതിന് പുറമേ പല സദ്യകള്‍ക്കും പേപ്പര്‍കപ്പുകള്‍ക്കും പായസം പോലുള്ളവ വിളമ്പാന്‍
ഉപയോഗിയ്ക്കാറുണ്ട്. ഇവ ഡിസ്‌പോസ് ചെയ്യാനുള്ള സൗകര്യവും കഴുകേണ്ട എന്നതും കണക്കിലെടുത്താണ് ഇവയ്ക്ക്
ഏറെ പ്രചാരം ഇന്നത്തെ കാലത്ത് ഉള്ളത്. വിലയും താരതമ്യേന കുറവു തന്നെയാണ്. ഉപയോഗിയ്ക്കാന്‍ എളുപ്പം എന്നത്
കൊണ്ടുമാത്രമല്ല, പ്ലാസ്റ്റിക് ഒഴിവാക്കുക എന്ന ലക്ഷ്യത്തോട് കൂടിയുമാണ് നാം ഇത് ഉപയോഗിയ്ക്കുന്നത്. ഇതുപോലെ
ചിലപ്പോള്‍ പ്ലേറ്റുകളും ഇതേ രീതിയില്‍ ഉള്ളവരാണ്. പ്ലാസ്റ്റിക്കിന്റെ അപകടം ഇതില്‍ നിന്നില്ലെന്ന സമാധാനത്തിലാണ്,
ഇത് സുരക്ഷിതമാണെന്ന ചിന്തയിലാണ് നാം പേപ്പര്‍ കൊണ്ടുള്ള കപ്പിലേയ്ക്കും പ്ലേറ്റിലേയ്ക്കുമെല്ലാം മാറിയിരിയ്ക്കുന്നത്.
വയര്‍ സംബന്ധമായ
വയര്‍ സംബന്ധമായ പല പ്രശ്‌നങ്ങളുമുണ്ടാകുന്നു. വയറുവേദന, വയറ്റില്‍ ഗ്യാസ്, ദഹനസംബന്ധമായ പ്രശ്‌നങ്ങള്‍
എന്നിവയെല്ലാം ഇവയുണ്ടാക്കുന്നു. ശ്വാസകോശത്തിന് ഇത് അലര്‍ജി പോലുള്ള പല പ്രശ്‌നങ്ങളുമുണ്ടാക്കുന്നു. ജലദോഷം,
തുമ്മല്‍, ശ്വാസംമുട്ടല്‍ എന്നിവയുണ്ടാക്കാം. ശരീരത്തിലെ ഹോര്‍മോണ്‍ ബാലന്‍സില്‍ ഇവ പ്രശ്‌നങ്ങളുണ്ടാക്കുന്നു. പല
രീതിയിലും ഇത്തരം പേപ്പര്‍ കപ്പുകളുടേയും പ്ലേറ്റിന്റെയും ഉപയോഗം നമ്മുടെ ശരീരത്തെ ബാധിയ്ക്കുന്നു. പല
ആന്തരികാവയവങ്ങളേയും ബാധിയ്ക്കുന്നു. ഇതെല്ലാം ഒരുവിധത്തില്‍ അല്ലെങ്കില്‍ മറ്റൊരു വിധത്തില്‍ ആകെയുള്ള
ആരോഗ്യത്തിന് ദോഷകരമായി മാറുന്നു.
പല അവയവങ്ങള്‍ക്കും
എന്നാല്‍ ഇത് പേപ്പര്‍ കൊണ്ടാണ് ഉണ്ടാക്കിയിരിയ്ക്കുന്നതെങ്കിലും വെള്ളമാകുമ്പോള്‍ ചീത്തയാകാതിരിയ്ക്കാന്‍ കപ്പിലും
മറ്റും ഒരു ഹൈഡ്രോഫോബിക് പ്ലാസ്റ്റിക് ഫിലിമുണ്ട്. ഇത് പോളിമെര്‍ കൊണ്ടോ പോളിത്തീന്‍ കൊണ്ടോ ആണ്
ഇതുണ്ടാക്കുന്നത്. നല്ല ചൂടുള്ള വെള്ളമോ ചായയോ ഇതില്‍ ഒഴിച്ചാല്‍ ഈ മൈകോപ്ലാസ്റ്റിക്കുകള്‍ ഈ വെള്ളത്തിലേയ്ക്ക്
ഇറങ്ങി വരുന്നുണ്ട്. മൈക്രോപ്ലാസ്റ്റിക് നമുക്ക് കണ്ണു കൊണ്ട് കാണാന്‍ സാധിയ്ക്കുന്നുമില്ല, നാം അറിയുന്നുമില്ല. ഇവ
നമ്മുടെ ശരീരത്തില്‍ എത്തുന്നു. ഇത് ദോഷമാണ് വരുത്തുന്നത്. ഇവ ചര്‍മത്തിനും തലച്ചോറിനും എന്‍ഡോക്രൈന്‍
സിസ്്റ്റത്തിനും തുടങ്ങി പല അവയവങ്ങള്‍ക്കും ഇത് തകരാറുണ്ടാകുന്നു.
ഹോര്‍മോണുകള്‍ക്ക്
പാന്‍ക്രിയാസ് ഹോര്‍മോണുകള്‍ക്ക് ഉണ്ടാക്കുന്ന വ്യത്യാസം കാരണം പ്രമേഹമുണ്ടാക്കാം, തൈറോയ്ഡ് പ്രശ്‌നങ്ങളുണ്ടാക്കാം.
വന്ധ്യതാ പ്രശ്‌നങ്ങള്‍ക്ക് വരെ ഇതുണ്ടാക്കുന്നു. ഇത് സ്ത്രീ പുരുഷ ഹോര്‍മോണുകളെ ബാധിയ്ക്കുന്നതാണ് കാരണം.
രക്തക്കുഴലുകളില്‍ ഇത് ബ്ലോക്കുണ്ടാക്കുന്നതിനാല്‍ പുരുഷബീജോല്‍പാദത്തിന് ഇത് പ്രശ്‌നമുണ്ടാക്കുന്നു. കണ്ണിന് ഇത് പല
പ്രശ്‌നങ്ങളുമുണ്ടാക്കുന്നു. കാഴ്ചക്കുറവ് പോലെയുള്ള പ്രശ്‌നങ്ങളുണ്ടാക്കുന്നു. വൃക്കയില്‍ ഉണ്ടാക്കുന്ന തടസം കാരണം
വൃക്കരോഗങ്ങളും ഉണ്ടാകാന്‍ സാധ്യതയേറെയാണ്.
ഗ്ലാസ്
ഇതിന് പരിഹാരം ഇവയുടെ ഉപയോഗം കഴിവതും കുറയ്ക്കുകയെന്നതാണ്. ഇവയില്‍ ചൂടുള്ളവ യാതൊരു കാരണവശാലും
എടുക്കരുത്. പകരം നമുക്ക് ഗ്ലാസ്, സ്റ്റീല്‍ എന്നിവ പോലുള്ള ദോഷകരമല്ലാത്തവ ഉപയോഗിയ്ക്കുന്നതാണ് നല്ലത്. ചൂടുള്ളവ
എടുക്കുന്നതാണ് കൂടുതല്‍ ദോഷകരം. കാരണം അപ്പോഴാണ് ഇതിനുള്ളിലെ കോട്ടിംഗ് ഉരുകി പ്ലാസ്റ്റിക് നമ്മുടെ
ശരീരത്തില്‍ എത്തുന്നത്. ചൂടില്ലാത്തവ എടുത്താല്‍ ഇത് ദോഷം വരുത്തില്ലെന്ന് പറയാം. എങ്കിലും നാം പൂര്‍ണസുരക്ഷിതം
എന്ന് കരുതി ഉപയോഗിയ്ക്കുന്ന ഇവ ഇത്രയ്ക്കും സുരക്ഷിതമല്ലെന്നര്‍ത്ഥം. ഇന്നത്തെ കാലത്ത് ഇവയുടെ ഉപയോഗം ഏറെ
വര്‍ദ്ധിയ്ക്കുന്നതുകൊണ്ട് നമ്മുടെ കുട്ടികള്‍ ഉള്‍പ്പെടെയുള്ളവരുടെ ആരോഗ്യം തകരാറിലാകുകയാണ് ചെയ്യുന്നത്.
കുട്ടികള്‍ക്ക് യാതൊരു കാരണവശാലും ഇതില്‍ പാനീയങ്ങളും ഭക്ഷണവും നല്‍കുന്നത് ഒഴിവാക്കുക.
