- Tirur Road,Kuttippuram,Malappuram
- Phone: +917592997991
- hayathmedicare@gmail.com
സ്തനാര്‍ബുദം സ്ത്രീകളെ ബാധിയ്ക്കുന്ന പ്രധാനപ്പെട്ട ഒരു ക്യാന്‍സറാണ്. ഇത് നേരത്തെ തന്നെ തിരിച്ചറിയാന്‍ സാധിയ്ക്കും.
ഇതെക്കുറിച്ചറിയാം. സ്ത്രീകളെ ബാധിയ്ക്കുന്ന ക്യാന്‍സറുകളില്‍ പ്രധാനപ്പെട്ടതാണ് ബ്രെസ്റ്റ് ക്യാന്‍സര്‍ അഥവാ സ്തനാര്‍ബുദം.
ലോകമെമ്പാടുമായി പ്രതിവർഷം 2.1 ദശലക്ഷം സ്ത്രീകൾക്ക് സ്തനാർബുദം ബാധിക്കപ്പെടുന്നുണ്ട് എന്നാണ് കണക്ക്. ജീനുകൾ
വഴി പാരമ്പര്യമായി സ്തനാർബുദം വരാനുള്ള സാധ്യതയും കൂടുതലാണ്. ബ്രെസ്റ്റ് ക്യാന്‍സര്‍ കുടുംബചരിത്രമുള്ള സ്ത്രീകൾക്ക്
ക്യാൻസർ വരാനുള്ള സാധ്യതയും കൂടും. അമിതവണ്ണം ,ആരോഗ്യകരമായ ഭക്ഷണക്രമം ഒഴിവാക്കുന്നത്, തുടങ്ങിയ പ്രശ്നങ്ങളെല്ലാം
സ്തനാർബുദം വരാനുള്ള സാധ്യത ഉയർത്തുന്നതാണ്. നേരത്തെ തിരിച്ചറിഞ്ഞാൽ, ബ്രെസ്റ്റ് ക്യാന്‍സര്‍ അതിജീവന നിരക്ക് 99
ശതമാനം വരെ ഉയർന്നതാണ്.
സ്തനങ്ങളിലെ അസ്വഭാവികതകള്‍ തന്നെയാണ് ഇതിന്റെ ആദ്യലക്ഷണം. സ്തനങ്ങളിലെ മുഴകള്‍, പ്രത്യേകിച്ചും വേദനയില്ലാത്ത
മുഴകള്‍ ശ്രദ്ധിയ്ക്കണം. കക്ഷത്തിലെ മുഴകളും കഴലകളും ശ്രദ്ധ വേണം. ഇവയുടെ വലിപ്പം വര്‍ദ്ധിയ്ക്കുന്നതും തെന്നിമാറുന്നതുമെല്ലാം
തന്നെ ശ്രദ്ധിയ്‌ക്കേണ്ട കാര്യങ്ങളാണ്. വേദനയില്ലാത്ത മുഴകളാണ് പലപ്പോഴും സ്തനാര്‍ബുദ സാധ്യതയായി കണക്കാക്കപ്പെടുന്നത്
ചര്‍മത്തിലുണ്ടാകുന്ന നിറവ്യത്യാസങ്ങളും
ഇതിനൊപ്പം ചര്‍മത്തിലുണ്ടാകുന്ന നിറവ്യത്യാസങ്ങളും തൊലി വല്ലാതെ അസ്വഭാവികമായി ചുളിയുന്നതും ശ്രദ്ധിയ്ക്കണം.
നിപ്പിളുകള്‍ ഉള്ളിലേയ്ക്ക് വലിയുക, സ്തനങ്ങളില്‍ നിന്നും ഏതെങ്കിലും ദ്രാവകം വരിക എന്നിവയും സ്തനാര്‍ബുദ ലക്ഷണങ്ങളാകാം.
ഇത് അര്‍ബുദമാണോ അതോ മറ്റെന്തെങ്കിലും കാരണം കൊണ്ടാണോ എന്നത് വിദഗ്ധ പരിശോധനയ്ക്ക് ശേഷമാണ് അറിയാന്‍
സാധിയ്ക്കുക
പൊതുവായ ലക്ഷണങ്ങള്‍
ഇതല്ലാതെ സാധാരണയായി ക്യാന്‍സറുകള്‍ക്കു വരുന്ന പൊതുവായ ലക്ഷണങ്ങള്‍ ഈ അര്‍ബുദത്തിനും ലക്ഷണമായി വരു
ന്നു. അമിതമായ ക്ഷീണം, പെട്ടൈന്ന് ഭാരം കുറയുക, വിശപ്പില്ലാതാകുക തുടങ്ങിയ പല ലക്ഷണങ്ങളും സ്തനാര്‍ബുദ ലക്ഷണം
കൂടിയാണ്. ഇത് എല്ലുകളിലേയ്ക്ക് പടര്‍ന്നാല്‍ എല്ലിന് വേദന, വരണ്ട ചുമ, തലവേദന, കാഴ്ചയ്ക്ക് പ്രശ്നം, ബാലന്‍സ് പ്രശ്നം
തുടങ്ങിയ പല പ്രശ്‌നങ്ങളും അനുഭവപ്പെടാം.
സ്തനാർബുദം തിരിച്ചറിയുന്നതിന്
സ്തനാർബുദം തിരിച്ചറിയുന്നതിന് ആദ്യപടിയാണ് സ്വയം പരിശോധന. സ്തനങ്ങളിൽ ഉണ്ടാവുന്ന ചെറിയ മാറ്റങ്ങളെ പോലും
കൃത്യമായി നിരീക്ഷിക്കണം. ഒരു കണ്ണാടിക്ക് മുന്നിൽ നിന്നുകൊണ്ട് ഇരു മാറിടങ്ങളും സൂക്ഷ്മതയോടെ പരിശോധിക്കണം.
എന്തെങ്കിലും അസ്വാഭാവികതകൾ കണ്ടുതുടങ്ങിയാൽ പരിശോധനയ്ക്ക് വിധേയമാകാം. സ്തനാര്‍ബുദം കണ്ടെത്താന്‍ മാമോ
ഗ്രാഫി ടെസ്റ്റ് സഹായിക്കുന്നു.എക്സ്-റേ രൂപത്തിലുള്ള സ്തനത്തിന്റെ ടെസ്റ്റാണ് മാമോഗ്രാം. ക്യാൻസറിനെ നേരത്തേ കണ്ടെത്താനുള്ള
ഏറ്റവും നല്ല മാർഗ്ഗമായി ഇത് കണക്കാക്കപ്പെടുന്നു. ഇത് ചെയ്യുന്നത് വഴി സ്തനങ്ങളിൽ ഉണ്ടാവുന്ന വ്യതിയാനങ്ങളെ കണ്ടെത്താൻ കഴിയുന്നു.
ടെസ്റ്റുകൾ പതിവായി ചെയ്യുകയാണെങ്കിൽ ലക്ഷണങ്ങൾ പ്രത്യക്ഷപ്പെടുന്നതിന്‌ മുൻപ് തന്നെ സ്തനാർബുദം കണ്ടെത്താൻ സാധിക്കും.
