- Tirur Road,Kuttippuram,Malappuram
- Phone: +917592997991
- hayathmedicare@gmail.com
മഴ ശക്തമായതോടെ രോഗങ്ങളും വലിയ രീതിയിലാണ് പടർന്ന് പിടിക്കുന്നത്. ശരിയായ രീതിയിലുള്ള സംരക്ഷണവും
ജാഗ്രതയും ഈ ഘട്ടത്തിൽ പുലർത്തേണ്ടത് വളരെ പ്രധാനമാണ്.
മഴക്കാലമായതോടെ അസുഖങ്ങൾ വളരെ വേഗത്തിലാണ് പടർന്ന് പിടിക്കുന്നത്. പ്രത്യേകിച്ച് കൊതുകജന്യ രോഗങ്ങളാണ്
അധികമായി ഉയർന്ന് വരുന്നത്. ഇന്ത്യയിലെ പല സംസ്ഥാനങ്ങളിലും ഡെങ്കിപ്പനി, സിക വൈറസ് എന്നിവയൊക്കെ
റിപ്പോർട്ട് ചെയ്തിട്ടുണ്ട്. പൂനെയിൽ രണ്ട് സിക വൈറസ് കേസുകളാണ് റിപ്പോർട്ട് ചെയ്തിരിക്കുന്നത്. അതുപോലെ ബംഗ്ലൂരു
നഗരത്തിലും കേരളത്തിലുമൊക്കെ ഡെങ്കിപ്പനിയും പടർന്ന് പിടിക്കുകയാണ്. കൃത്യമായ സുരക്ഷയും ജാഗ്രതയും
ഉറപ്പാക്കേണ്ടത് വളരെ പ്രധാനമാണ്.
ഡെങ്കിപ്പനി
മഴക്കാലമായതോടെ കേരളമാണ് ഡെങ്കിപ്പനിയിൽ ഇപ്പോൾ മുന്നിൽ നിൽക്കുന്ന സംസ്ഥാനം. മിക്ക ജില്ലകളിലും
രോഗികളുടെ എണ്ണം ക്രമാതീതമായി ഉയർന്ന് വരുന്നുണ്ട്. കെട്ടിക്കിടക്കുന്ന വെള്ളത്തിൽ നിന്നാണ് ഡെങ്കിപ്പനി പടർത്തുന്ന
കൊതുകുകൾ പെറ്റ് പെരുകുന്നത്. ഈഡീസ് ഈജിപ്റ്റ് കൊതുകുകളാണ് ഡെങ്കിപ്പനി പടർത്തുന്നത്. സിക വൈറസ്
പരത്തുന്നതും ഇതേ കൊതുകുകളാണ്. കൊതുകുവഴിയാണ് ഡെങ്കിപ്പനി ഒരാളില്‍ നിന്നും മറ്റൊരാളിലേയ്ക്ക് എത്തുന്നതും.
ഒരാള്‍ക്ക് തന്നെ നാല് തവണയെങ്കിലും ഡെങ്കിപ്പനി പിടിപെടാം എന്നാണ് ലോക ആരോഗ്യ സംഘടന പറയുന്നത്.
കൃത്യമായ ചികിത്സയും പരിചരണവും ഉറപ്പാക്കിയില്ലെങ്കിൽ മരണം പോലും സംഭവിക്കാൻ സാധ്യതയുള്ളതാണ്
ഡെങ്കിപ്പനി. ചെറിയ പനിയോടെ തുടങ്ങുന്ന ലക്ഷണങ്ങളാണ് പിന്നീട് മൂർച്ഛിക്കുന്നത്.
എന്തൊക്കെയാണ് പ്രധാന ലക്ഷണങ്ങൾ
*പനി - കഠിനമായി പനിയാണ് പ്രധാന ലക്ഷണങ്ങളിലൊന്ന്. 104 ഡിഗ്രിയിൽ കൂടുതലായി പനി അനുഭവപ്പെട്ടാൽ
തീർച്ചയായും വൈദ്യ സഹായം തേടണം.
*ചൊറിച്ചിൽ - ഡെങ്കിപ്പനി ഉള്ളവർക്ക് ശരീരത്തിൽ തിണർപ്പും അതുപോലെ ചെറിച്ചിലുമുണ്ടാകാനുള്ള സാധ്യത വളരെ
കൂടുതലാണ്.
*പേശികളിൽ വേദന - പേശികളിലും ജോയിൻ്റുകളിലും വേദനയുണ്ടാകുന്നതും ഡെങ്കിപ്പനിയുടെ ലക്ഷണമാണ്.
തലവേദന- കഠിനമായ തലവേദ മറ്റൊരു പ്രധാന ലക്ഷണങ്ങളിലൊന്നാണ്.
*ഛർദ്ദിലും ഓക്കാനവും - സ്വാഭാവികമല്ലാതെ ഛർദ്ദിലും ഓക്കാനവുമുണ്ടെങ്കിൽ ശ്രദ്ധിക്കുക.
*കണ്ണിന് വേദന - ഡെങ്കിപ്പനി ഉള്ളവർക്ക് കണ്ണിന് പുറകിൽ വേദനയുണ്ടാകാനുള്ള സാധ്യത വളരെ കൂടുതലാണ്.
എങ്ങനെ പ്രതിരോധിക്കാം ?
കൊതുക് പെരുകാതിരിക്കാൻ ശ്രദ്ധിക്കുകയാണ് പ്രധാനമായും ചെയ്യേണ്ടത്. വീട്ടിലും പരിസരത്തും വെള്ളക്കെട്ടുകൾ
ഉണ്ടാകാതിരിക്കാൻ പ്രത്യേകം ശ്രദ്ധിക്കണം. ശുദ്ധ ജലത്തിലാണ് കൊതുകുകൾ മുട്ടയിട്ട് പെറ്റ് പെരുകുന്നത്.
ഇത് ഒഴിവാക്കാൻ വെള്ളം പിടിച്ച് വയ്ക്കുന്ന പാത്രങ്ങളൊ്കെ അടച്ച് വയ്ക്കാൻ ശ്രദ്ധിക്കണം. പകലും രാത്രിയിലും
ജനലുകൾ അടച്ചിടുന്നത് വീടിനുള്ളിൽ കൊതുക് കയറുന്നത് തടയാൻ സഹായിക്കും. ശരീരത്തിൽ കൊതുക് കടി
ഏൽക്കാതിരിക്കാൻ പ്രത്യേകം ശ്രദ്ധിക്കണം. ഡെങ്കിപ്പനിയുടെ ലക്ഷണങ്ങൾ കണ്ടെത്തിയാൽ തീർച്ചയായും വൈദ്യ
സഹായം തേടാൻ മറക്കരുത്.
എന്താണ് സിക വൈറസ്?
കൊതുക് പരത്തുന്ന മറ്റൊരു രോഗമാണ് സിക വൈറസ്. ഡെങ്കിപ്പനി, ചിക്കൻ ഗുനിയ എന്നിവ പരത്തുന്ന അതേ
ഇനത്തിൽപ്പെട്ട കൊതുകുകളാണ് സിക വൈറസും പരത്തുന്നത്. കഠിനമായ പനി, ശരീരത്തില്‍ ചുവന്ന പാടുകൾ,
തലവേദന, ഛർദ്ദി, സന്ധിവേദന എന്നീ ലക്ഷണങ്ങൾ ഉണ്ടെങ്കിൽ പ്രത്യേകം ശ്രദ്ധിക്കണം. രോഗാണുക്കള്‍ ശരീരത്തിലെത്തി
മൂന്ന് ദിവസം കഴിഞ്ഞായിരിക്കും ലക്ഷണങ്ങൾ പുറത്ത് വരുന്നത്. കുട്ടികളിലും മുതിർന്നവരിലും സിക ബാധിച്ചാൽ അത്
പിന്നീട് നാഡീ സംബന്ധമായ പ്രശങ്ങളിലേയ്ക്ക് എത്താനുള്ള സാധ്യത വളരെ കൂടുതലാണ്. ഗർഭിണികളും കുട്ടികളും
കൊതുക കടി ഏൽക്കാതെ സൂക്ഷിക്കേണ്ടത് വളരെ പ്രധാനമാണ്.
