- Tirur Road,Kuttippuram,Malappuram
- Phone: +917592997991
- hayathmedicare@gmail.com
മൂക്കില്‍ മാത്രം കുരുക്കള്‍ പ്രത്യക്ഷപ്പെടുന്നതിന് പിന്നില്‍ കാരണങ്ങളുണ്ട്. മൂക്കില്‍ കുരുക്കള്‍ പ്രത്യക്ഷപ്പെട്ടാല്‍ എന്തെല്ലാം കാര്യങ്ങള്‍ ശ്രദ്ധിക്കണം എന്ന് നോക്കാം.
ഹൈലൈറ്റ്:
മൂക്കിലെ കുരുവിന് വേദന ഉണ്ടെങ്കില്‍ ഡോക്ടറെ കാണിക്കണം
മൂക്കിലെ കുരുക്കള്‍ക്ക് പിന്നിലെ കാരണം
അസുഖങ്ങള്‍ മൂലവും കുരുക്കള്‍ വരാം
ചിലര്‍ക് മുഖത്ത് കുരുക്കള്‍ പ്രത്യക്ഷപ്പെടില്ല. പകരം, മൂക്കില്‍ ധാരാളം കുരുക്കള്‍ വരുന്നത് കാണാം. പ്രത്യേകിച്ച്, വലിയ വലിയ കുരുക്കളെല്ലാം പ്രത്യക്ഷപ്പെടുന്നത് തന്നെ മൂക്കിലായിരിക്കും. ഇത്തരത്തില്‍ മൂക്കില്‍ കുരുക്കള്‍ വന്നാല്‍ അത് മാറ്റി എടുക്കാന്‍ എന്തെല്ലാം കാര്യങ്ങള്‍ ശ്രദ്ധിക്കണം എന്ന് നോക്കാം.
മൂക്കില്‍ കുരുക്കള്‍ വരുന്നതിന് പിന്നില്‍
മൂക്കില്‍ കുരുക്കള്‍ വരുന്നതിന് പിന്നിലെ കാരണങ്ങള്‍ പലവിധമാണ്. നമ്മളുടെ ചര്‍മ്മത്തിന് ഉണ്ടാകുന്ന അണുബാധകള്‍ പലപ്പോഴും മൂക്കില്‍ കുരുക്കള്‍ വരുന്നതിന് കാരണമാകാറുണ്ട്.
പ്രത്യേകിച്ച് സ്റ്റാഫൈലോകോക്കസ് അല്ലെങ്കില്‍ സ്‌റ്റ്രെപ്‌റ്റോകോക്കസ് ബാക്ടീരിയകളാണ് മൂക്കിലെ കുരുക്കള്‍ക്ക് ഏറ്റവും സാധാരണമായ കാരണം. ഈ ബാക്ടീരിയകള്‍ മുറിവുകള്‍, പോറലുകള്‍ അല്ലെങ്കില്‍ ചര്‍മ്മത്തിന്റെ പൊട്ടല്‍ വഴി ശരീരത്തിലേക്ക് പ്രവേശിക്കുകയും കുരുക്കള്‍ക്ക് കാരണമാകുകയും ചെയ്യുന്നു. കൂടാതെ, സോറിയാസീസ് പോലെയുള്ള ചര്‍മ്മ രോഗങ്ങള്‍ മൂക്കില്‍ കുരുക്കള്‍ വരുന്നതിന് കാരണമാകുന്നുണ്ട്. ഈ രോഗം വനനാല്‍, ചര്‍മ്മത്തിന്റെ കോശങ്ങള്‍ പെട്ടെന്ന് വളരുന്നതിലേക്ക് നയിക്കുന്നു. ഈ പെട്ടെന്ന് വളരുന്ന കോശങ്ങള്‍ ചര്‍മ്മത്തില്‍ ചെറിയ ചുവന്ന പാടുകളും കുരുക്കളും ഉണ്ടാക്കുന്നു.
ഫംഗസ് അണുബാധയും മൂക്കിലെ കുരുക്കള്‍ക്ക് കാരണമാകും. ഈ അണുബാധകള്‍ സാധാരണയായി വരണ്ടതും ചൊറിച്ചിലുള്ളതുമായ കുരുക്കളുണ്ടാക്കുന്നു. കൂടാതെ, ഹൈപ്പോതൈറോയ്ഡിസം, അഡ്രെനല്‍ അമിതമായി പ്രവര്‍ത്തിക്കുന്നത്, പിസിഒഎസ്, സിസ്റ്റിക് ഫൈബ്രോസിസ് എന്നിങ്ങനെയുള്ള രോഗാവസ്ഥകള്‍ വരുന്നതും സത്യത്തില്‍ മൂക്കില്‍ കുരുക്കള്‍ വരുന്നതിന് കാരണമാകുന്നുണ്ട്.
ശ്രദ്ധിക്കേണ്ട കാര്യങ്ങള്‍
മൂക്കില്‍ കുരുക്കള്‍ വന്നാല്‍ നിങ്ങള്‍ തീര്‍ച്ചയായും ശ്രദ്ധിക്കേണ്ട കുറച്ച് വസ്തുതകളുണ്ട്. അതില്‍ തന്നെ, മുഖം ദിവസവും രണ്ടുതവണ സോപ്പും വെള്ളവും ഉപയോഗിച്ച് കഴുകുക.
മുഖം തുടയ്ക്കാന്‍ മൃദുവായ തുണി ഉപയോഗിക്കുക.മുഖം തൊടുന്നത് പരമാവധി ഒഴിവാക്കുക.പൊട്ടലുകള്‍ അല്ലെങ്കില്‍ മുറിവുകള്‍ ഉണ്ടായാല്‍, അവയെ ശുചിത്വമായി സൂക്ഷിക്കുക.
ടോണര്‍ അല്ലെങ്കില്‍ സ്‌ക്രബ് ഉപയോഗിച്ച് നിങ്ങളുടെ മുഖം ആഴത്തില്‍ വൃത്തിയാക്കുക.നിങ്ങളുടെ മുഖത്തിന് അനുയോജ്യമായ മോയ്സ്ചറൈസര്‍ ഉപയോഗിക്കുക. മുഖത്ത് അമിതമായി എണ്ണമയം നിലനില്‍ക്കാതിരിക്കാന്‍ ശ്രദ്ധിക്കേണ്ടതും അനിവാര്യം തന്നെ.
നാച്വറല്‍ പരിഹാരങ്ങള്‍
മൂക്കില്‍ കുരുവന്നാല്‍ അതിനെ ഇടയ്ക്കിടയ്ക്ക് തൊടുന്നത് ഒഴിവാക്കുക. ഇത് കുരുക്കള്‍ മൂലം പാടുകള്‍ വരുന്നത് തടയാന്‍ സഹായിക്കുന്നതാണ്. അതുപോലെ തന്നെ, മൂക്കില്‍ കുരുക്കള്‍ പ്രത്യക്ഷപ്പെട്ടാല്‍ നിങ്ങള്‍ക്ക് മഞ്ഞള്‍ മൂക്കില്‍ പൂരട്ടാവുന്നതാണ്. അതുമല്ലെങ്കില്‍ മഞ്ഞളും ആര്യവേപ്പിന്റെ ഇലയും ചേര്‍ത്ത് അരച്ച് മൂക്കില്‍ പതിവായി പുരട്ടുന്നത് മൂക്കില്‍ നിന്നും കുരുക്കള്‍ അകറ്റാനും അതുപോലെ, കറുത്തപാടുകളും അണുബാധയും വരാതെ കുരുക്കള്‍ അകറ്റാനും ഇത് സഹായിക്കുന്നു.
തുളസിയുടെ നീര് മൂക്കിലെ കുരുവില്‍ പുരട്ടുന്നത് നല്ലതാണ്. ഇത് കുരുക്കള്‍ പഴുക്കാതെ വേഗത്തില്‍ ഉണങ്ങി പോകാന്‍ സഹായിക്കുന്നതാണ്. അതുപോലെ തന്നെ, പേരയിലയുടെ കൂമ്പ് അരച്ച് മൂക്കിലെ കുരുക്കളില്‍ പുരട്ടുന്നത് നല്ലതാണ്. ഇതും മൂക്കിലെ കുരുക്കള്‍ കുറയ്ക്കാന്‍ വളരെയധികം സഹായിക്കും. കൂടാതെ, അമിതമായി എണ്ണമയം ഉള്ള സാധനങ്ങള്‍ കഴിക്കാതിരിക്കാനും ഉപയോഗിക്കാതിരിക്കാനും നിങ്ങള്‍ ശ്രദ്ധിക്കുക.
