- Tirur Road,Kuttippuram,Malappuram
- Phone: +917592997991
- hayathmedicare@gmail.com
മാനസിക ആരോഗ്യം ശരിയല്ലെങ്കില്‍ അത് ചില പ്രത്യേക കാര്യങ്ങളിലൂടെ തിരിച്ചറിയാന്‍ സാധിയ്ക്കും. ഇത് തിരിച്ചറിയാന്‍ നമുക്ക് തന്നെയും സാധിയ്ക്കും
മാനസികആരോഗ്യം ശരിയല്ലാത്തത് മാനസികരോഗം എന്ന അവസ്ഥ തന്നെയാണ്. ഈ പ്രശ്നം പലര്‍ക്കുമുണ്ടാകാം. എന്നാല്‍ നാം പലപ്പോഴും ഇത് തിരിച്ചറിയണം എന്നുമില്ല. വലിയ രീതിയിലെ മാനസിക പ്രശ്‌നങ്ങള്‍ അല്ലെങ്കിലും മിക്കവാറും പലര്‍ക്കും ചെറിയ രീതിയിലെ മാനസിക പ്രശ്‌നങ്ങള്‍ ഉണ്ടാകാം. ഇത് ചിലപ്പോള്‍ സൈക്കോളജി ചികിത്സയിലൂടെയോ ചിലപ്പോള്‍ സ്വയമായുള്ള തിരിച്ചറിവിലൂടെ തിരുത്തിയോ മാറ്റിയെടുക്കാം. ഇതിന്് ആദ്യം വേണ്ടത് തങ്ങള്‍ക്ക് ഈ മാനസികപ്രശ്‌നം ഉണ്ടെന്ന തിരിച്ചറിവാണ്. മാനസികപ്രശ്‌നമെങ്കില്‍ അതിന്റെ ചില ലക്ഷണങ്ങള്‍ തിരിച്ചറിയാം.
ഇല്ലാത്ത കാഴ്ചകള്‍
ഇല്ലാത്ത കാഴ്ചകള്‍ കാണുന്നുവെന്ന തോന്നല്‍ പലര്‍ക്കുമുണ്ടാകും. മറ്റുള്ളവര്‍ കാണാത്തത് കാണുക, ആരെങ്കിലും തങ്ങളെ പിന്‍തുടരുന്നെ തോന്നല്‍, ഇല്ലാത്ത ശബ്ദങ്ങള്‍ കേള്‍്ക്കുക എല്ലാം മാനസികാരോഗ്യം തകരാറിലാണെന്നതിന്റെ സൂചന കൂടിയാണ്. ഇത് അടിക്കടി ഉണ്ടാകുന്നുവെങ്കില്‍ പ്രത്യേകിച്ചും. ഹാലൂസിനേഷന്‍ എന്ന അവസ്ഥയാണിത്. ഇത് ചിലപ്പോഴൊക്കെ ചിലര്‍ക്ക് ഉണ്ടാകാമെങ്കിലും സ്ഥിരമായുണ്ടാകുന്നത് മാനസികപ്രശ്‌നം തന്നെയാണ്.
ഡിപ്രഷന്‍
ഡിപ്രഷന്‍ മാനസികരോഗമല്ലെങ്കില്‍പ്പോലും ഇതിന്റെ ഒരു ഭാഗമായി വരും. പ്രത്യേകിച്ചും ഒരിടത്ത് തനിച്ചിരിയ്ക്കുക, പുറത്തേക്ക്് പോകാന്‍ ഇഷ്ടമില്ലാതെ വരിക, കഴിവതും പുറത്തേയ്ക്ക് പോകാതിരിയ്ക്കുക, ഒറ്റക്കിരുന്ന് കാര്യമില്ലാതെ കരയുക, തന്നെ ഒന്നിനും കൊള്ളില്ലെന്ന തോന്നല്‍, മറ്റുള്ളവരില്‍ നിന്നും ഒഴിഞ്ഞ് നില്‍ക്കുക എന്നിവയെല്ലാം നമ്മുടെ വ്യക്തിത്വത്തെ തന്നെ ബാധിച്ചു തുടങ്ങുന്നതും മാനസിക ആരോഗ്യം ശരിയല്ലെന്നതിന്റെ സൂചനയാണ് നല്‍കുന്നത്. ഇതിനൊപ്പം ആത്മഹത്യയെക്കുറിച്ച് ചിന്തിയ്ക്കുക, സംസാരിയ്ക്കുക. എന്നതും ഇതില്‍ പെടുന്നു.
ഓവര്‍ എക്‌സൈറ്റ്‌മെന്റ്
ഓവര്‍ എക്‌സൈറ്റ്‌മെന്റ് മാനസികരോഗത്തിന്റെ ലക്ഷണം കൂടിയാകാം. സാധാരണയില്‍ കവിഞ്ഞ സന്തോഷം, സംസാരം, പ്രവൃത്തി എന്നിവയും ശ്രദ്ധിയ്ക്കണം. പ്രത്യേകിച്ചും ഇത്തരം സ്വഭാവങ്ങള്‍ ഇല്ലാത്ത വ്യക്തിയില്‍ ഇത് കാണുമ്പോള്‍. അവരുടെ പെരുമാറ്റത്തില്‍ നിന്നുതന്നെ നമുക്കിത് തിരിച്ചറിയാം. ഇത് ഉന്മാദം, മാനിയ എന്നെല്ലാം പറയാം.
സംശയം
ചിലര്‍ക്ക് അമിതമായ ഉത്കണ്ഠയുണ്ടാകുന്നു. ഇത് നിസാരകാര്യത്തിനായാകാം. അകാരണമായ പേടി, അനാവശ്യമായ പേടി, നിരന്തമായ സ്ട്രെസ്, ടെന്‍ഷന്‍, പേടി, എന്തെങ്കിലും കാര്യങ്ങള്‍ ചെയ്യുമ്പോള്‍ അകാരണമായ ടെന്‍ഷനും സ്‌ട്രെസും പേടിയുമെല്ലാം ഇതില്‍ പെടുന്നു.
സംശയം ഇവര്‍ക്കുള്ള ഒന്നാണ്. ഭാര്യക്ക് ഭര്‍ത്താവിനെ സംശയം, തിരിച്ചാകാം, കുടംബാംഗങ്ങളെ സംശയം, കുട്ടികളെ സംശയം ഇതിങ്ങനെ ആരെപ്പറ്റിയുമാകാം. സംശയം വാസ്തവത്തില്‍ ഒരു രോഗമാണ്. പ്രത്യേകിച്ചും അടിക്കടി ഇതുണ്ടാകുന്നുവെങ്കില്‍.
സംശയം ഇവര്‍ക്കുള്ള ഒന്നാണ്. ഭാര്യക്ക് ഭര്‍ത്താവിനെ സംശയം, തിരിച്ചാകാം, കുടംബാംഗങ്ങളെ സംശയം, കുട്ടികളെ സംശയം ഇതിങ്ങനെ ആരെപ്പറ്റിയുമാകാം. സംശയം വാസ്തവത്തില്‍ ഒരു രോഗമാണ്. പ്രത്യേകിച്ചും അടിക്കടി ഇതുണ്ടാകുന്നുവെങ്കില്‍.
ചിന്തയെ
ഒരു വ്യക്തിയെ മാനസിക പ്രശ്നം കൂടുതലായി ബാധിയ്ക്കുന്നത് അയാളുടെ ചിന്തയെയാണ്. അതായത് അനാവശ്യമായ ചിന്തകള്‍ വരുന്നു. മറ്റുള്ളവര്‍ തങ്ങളെ പറ്റി പറയുന്നു, കുറ്റം പറയുന്നു, തങ്ങളെ വിചിത്രജീവിയെന്ന രീതിയില്‍ നോക്കുന്നു തുടങ്ങിയ ചിന്തകളുണ്ടാകാം. മറ്റുള്ളവര്‍ തങ്ങളെയാണ് ശ്രദ്ധിയ്ക്കുന്നത്, തങ്ങളെപ്പറ്റിയാണ് പറയുന്നത് എന്നുള്ള ചിന്തകള്‍. ഇതുപോലെ തങ്ങളുടെ ചിന്തകള്‍ മറ്റുള്ളവര്‍ മനസിലാക്കുന്നു പോലുള്ള സംശയങ്ങള്‍.
സാധാരണ വികാരങ്ങള്‍ പ്രകടിപ്പിയ്ക്കുന്ന ഒരാള്‍ പെട്ടെന്ന് ഇത് ചെയ്യാതെ വരുമ്പോള്‍ ശ്രദ്ധിയ്ക്കുക. സന്തോഷമില്ല, ദുഖമില്ല, എല്ലാത്തിലും ഒരു നിര്‍വികാരാവസ്ഥ. ഇതും മാനസികാരോഗ്യം ശരിയല്ലെന്നതിന്റെ സൂചന നല്‍കുന്ന ഒന്നാണ്. റിജക്ഷന്‍ ഫീലിംഗ് എന്ന് പറയാം.
മാനസിക പ്രശ്നങ്ങളുടെ ഭാഗമായി
ഇതുപോലെ താന്‍ വലിയ സംഭവമാണ്, തനിക്ക് സാധിയ്ക്കാത്തത് ഒന്നുമില്ല, താന്‍ വലിയ ആളാണ് തുടങ്ങിയ ചിന്തകള്‍. എന്നാല്‍ ഇതുപോലെ പ്രവര്‍ത്തിയ്ക്കാന്‍ സാധിയ്ക്കുന്നുമില്ല. ഇതുപോലെ അസുഖങ്ങളെക്കുറിച്ചുള്ള പേടി ഇത്തരം ഒരു മാനസികപ്രശ്‌നത്തിന്റെ ഭാഗമാണ്. തനിക്ക് ഇല്ലാത്ത അസുഖങ്ങള്‍ ഉണ്ടെന്ന ചിന്ത, മറ്റുള്ളവര്‍ക്ക് ചില അസുഖങ്ങള്‍ വന്നാല്‍ തങ്ങള്‍ക്കും വരുമെന്നെ ചിന്ത, എത്ര ഡോക്ടര്‍മാരെ കണ്ടാലും രോഗങ്ങള്‍ മാറാത്ത അവസ്ഥ എല്ലാം മാനസികമായ പ്രശ്‌നത്തിന്റെ പ്രശ്‌നമാണ്. ഡിസോറിയന്റേഷന്‍ എന്ന അവസ്ഥയുണ്ട്. അതായത് സമയം, സ്ഥലം, സംഭവങ്ങള്‍ എന്നിവയൊന്നും ഓര്‍ത്തെടുക്കാന്‍ സാധിയ്ക്കാത്ത അവസ്ഥ. ഇത് മറവിയെന്ന് മാത്രം പറയാനാകുന്ന അവസ്ഥയല്ല. സാധാരണ പ്രായമായവര്‍ക്കും കുട്ടികള്‍ക്കും ഇതുണ്ടാകുന്നു. എന്നാല്‍ ഇതല്ലാതെ പെട്ടെന്ന് ഇത്തരം പ്രശ്നം സാധാരണ ഇടത്തരം പ്രായത്തിലുളള ആളുകള്‍ക്ക് അനുഭവപ്പെട്ടാല്‍ ഇതും പലതരം മാനസിക പ്രശ്നങ്ങളുടെ ഭാഗമായി വരാം.
