- Tirur Road,Kuttippuram,Malappuram
- Phone: +917592997991
- hayathmedicare@gmail.com
ജനുവരി മാസം സെർവിക്കൽ ക്യാൻസർ ബോധവൽക്കരണ മാസമാണ്. സ്ത്രീകളിൽ സ്തനാർബുദം കഴിഞ്ഞാൽ ഏറ്റവും
കൂടുതൽ ബാധിക്കാൻ സാധ്യതയുള്ള ഒന്നാണ് സെർവിക്കൽ ക്യാൻസർ.
നിങ്ങൾ സെക്ഷ്വലി ആക്റ്റീവ് ആയ ഒരു വ്യക്തിയാണോ? എങ്കിൽ ലൈംഗിക ബന്ധത്തിലൂടെ ഹ്യൂമൻ
പാപിലോമ വൈറസ് (HPV) എത്തിച്ചേരാനുള്ള സാധ്യത കൂടുതലാണ്. ഈ വൈറസ് ആണ് സെർവിക്കൽ ക്യാൻസർ
അഥവാ ഗർഭാശയമുഖ അർബുദത്തിന് കാരണമാകുന്നത്. ചെറുപ്രായത്തിലേ ഉള്ള ലൈംഗിക ബന്ധങ്ങൾ, സുരക്ഷിതമല്ലാത്ത
ലൈംഗിക ബന്ധം, ഒന്നിലധികം പങ്കാളികളുമായുള്ള ലൈംഗിക ബന്ധം തുടങ്ങിയവയെല്ലാം ഈ ക്യാൻസർ വരാനുള്ള
സാധ്യത വർധിപ്പിക്കുന്നു.
സ്തനാർബുദം കഴിഞ്ഞാൽ സ്ത്രീകളെ ബാധിക്കുന്ന അർബുദങ്ങളിൽ ഏറ്റവും അപകടകരമായ ഒന്നാണിത്.
ഇന്ത്യയിൽ ഓരോ എട്ടുമിനിറ്റിലും ഒരു സ്ത്രീ സെർവിക്കൽ ക്യാൻസർ മൂലം മരണപ്പെടുന്നു എന്നാണ് കണക്കുകൾ
പറയുന്നത്. മരണനിരക്ക് കൂടുന്നതിന്റെ പ്രധാന കാരണം തുടക്കത്തിൽ തന്നെ രോഗ ലക്ഷണങ്ങൾ തിരിച്ചറിയാൻ
പലർക്കും സാധിക്കാത്തതാണ്.
HPV വാക്സിനേഷൻ
സെർവിക്കൽ ക്യാൻസറിനെ പ്രതിരോധിക്കാൻ സഹായിക്കുന്ന ഹ്യൂമൻ പാപ്പിലോമ വൈറസ് വാക്സിനേഷൻ അഥവാ HPV
വാക്സിനേഷൻ വിവിധ കാരണങ്ങളാൽ പരമപ്രധാനമാണ്. പ്രാഥമികമായി HPV അണുബാധ തടയുന്നതിനും അനുബന്ധ
ക്യാൻസറുകളുടെ സാധ്യത കുറയ്ക്കുന്നതിനും ഇത് ഫലപ്രദമാണെന്ന് ഡോക്ടർ പറയുന്നു.
ക്യാൻസറിനെ പ്രതിരോധിക്കാൻ
പല വിധ അർബുദങ്ങൾ ഉണ്ടാകാൻ കാരണമാകുന്ന വൈറസ് ആണ് ഹ്യൂമൻ പാപ്പിലോമ വൈറസ്. അതുകൊണ്ട് തന്നെ HPV
വാക്സിനേഷൻ എടുക്കുന്നത് ഇത്തരം ക്യാൻസറുകൾ ഉണ്ടാകുന്നതിനുള്ള സാധ്യത ക്രമാതീതമായി കുറയ്ക്കുന്നു.
സെർവിക്കൽ ക്യാൻസർ തടയാൻ
പ്രധാനമായും സ്ത്രീകളിൽ കണ്ടുവരുന്ന സെർവിക്കൽ ക്യാൻസർ ചില തരം ഹ്യൂമൻ പാപ്പിലോമാ വൈറസുമായി
ബന്ധപ്പെട്ടിരിക്കുന്നു. അതുകൊണ്ട് തന്നെ HPV വാക്സിനേഷൻ ചെയ്യുന്നത് ഇത്തരം വൈറസുമായുള്ള സമ്പർക്കത്തെ
പ്രതിരോധിക്കുകയും സെർവിക്കൽ ക്യാൻസർ സാധ്യതയിൽ നിന്ന് നിങ്ങളെ സംരക്ഷിക്കുകയും ചെയ്യുന്നു
സംരക്ഷണം സ്ത്രീകൾക്കും പുരുഷന്മാർക്കും
സ്ത്രീകളും പുരുഷന്മാരനും ഈ വാക്സിൻ എടുക്കുന്നതാണ് നല്ലതെന്ന് ആരോഗ്യ നേതൃത്വം വ്യക്തമാക്കുന്നുണ്ട്. കാരണം
ഇത് വൈറസിന്റെ വ്യാപനം കുറയ്ക്കുന്നു. മാത്രമല്ല HPV സംബന്ധമായ എല്ലാ രോഗങ്ങളുടെയും സാധ്യത കുറയ്ക്കുകയും
ചെയ്യുന്നു.
ജനനേന്ദ്രിയത്തിലെ പ്രശ്നങ്ങൾ
ചിലരിൽ ജനനേന്ദ്രിയത്തിൽ അരിമ്പാറ പോലുള്ളവർ വളരാൻ HPV കാരണമാകുന്നു. ഇത് ശാരീരികമായും മാനസികമായി
ഒരുപോലെ ബുദ്ധിമുട്ടുണ്ടാക്കുന്നു. എന്നാൽ HPV വാക്സിനേഷൻ ഇത്തരം അരിമ്പാറ പോലുള്ള വളർച്ച ഉണ്ടാകുന്നത്
തടയുകയും മൊത്തത്തിലുള്ള ലൈംഗിക ആരോഗ്യം മെച്ചപ്പെടുത്തുകയും ചെയ്യാൻ ഗുണകരമാണ്.
പ്രതിരോധം
വാക്സിനേഷൻ വൈറസിന്റെ മൊത്തത്തിലുള്ള വ്യാപന നിരക്ക് കുറയ്ക്കുന്നത് വഴി പ്രതിരോധം മെച്ചപ്പെടുത്തുകയാണ്
ചെയ്യുന്നത്.
HPV വാക്സിനേഷൻ എപ്പോൾ?
ലൈംഗിക ബന്ധത്തിന് മുമ്പായി എത്രയും നേരത്തെ വാക്സിൻ എടുക്കുന്നുവോ അത്രയും ഫലപ്രദമായി വാക്സിൻ
പ്രവർത്തിക്കുന്നു. ചെറിയ പ്രായത്തിലുള്ള ലൈംഗിക ബന്ധം സെർവിക്കൽ ക്യാൻസറിന്റെ സാധ്യത വർധിപ്പിക്കുമെന്നതി
നാൽ കൗമാരക്കാർക്കും ചെറുപ്പക്കാർക്കും ഇത് പരമാവധി പ്രയോജനം നൽകുന്നു. ആദ്യ ലൈംഗിക ബന്ധത്തിന് മുമ്പായി
വാക്സിനേഷൻ നൽകുന്നതാണ് ഫലപ്രദം എന്ന് ആരോഗ്യ വിദഗ്ധർ പറയുന്നു.
പൊതുജനാരോഗ്യം
പല ആളുകൾക്കും ഇപ്പോഴും സെർവിക്കൽ ക്യാൻസർ എങ്ങനെ ഉണ്ടാകുന്നു എന്നോ, അതിനു കാരണമാകുന്ന വൈറസിനെ
കുറിച്ചോ HPV വാക്സിനേഷൻ കുറിച്ചോ വ്യക്തമായ അറിവില്ല. അതുകൊണ്ട് തന്നെയാണ് ഇതിനെ കുറിച്ച് ആളുകളിൽ
അറിവ് ജനിപ്പിക്കുന്നതിന് ജനുവരി മാസം സെർവിക്കൽ ക്യാൻസർ ബോധവൽക്കരണ മാസമായി ആചരിക്കുന്നത്.
ഇത്തരത്തിൽ വാക്സിനേഷൻ സംബന്ധമായ അറിവ് ജനങ്ങളിലെത്തിക്കുന്നത് വഴി പൊതുജനാരോഗ്യം വലിയ തോതിൽ
ഉറപ്പാക്കാൻ കഴിയും. HPV മൂലമുണ്ടാകുന്ന ക്യാൻസർ അടക്കമുള്ള വിവിധ രോഗങ്ങൾ തടയുന്നത് വഴി ഒരു വ്യക്തിയുടെ
മൊത്തത്തിലുള്ള ആരോഗ്യമാണ് മെച്ചപ്പെടുന്നത്.
സുരക്ഷിതം
പല ആളുകളും വാക്സിനേഷൻ എന്നത് സംശയത്തോടെയാണ് കേൾക്കുന്നത്. എന്നാൽ HPV വാക്സിൻ വിശദമായ പരിശോധന
കൾക്ക് വിധയമായ ശേഷമാണ് ആളുകൾക്ക് നൽകുന്നത്. യുവാക്കളിൽ ഈ വാക്സിനേഷൻ ഒരു നിർണ്ണായക ഘടകമായി
പ്രവർത്തിക്കുന്നതിനാൽ ഇവ സുരക്ഷിതമാണെന്ന് തെളിയിക്കപ്പെട്ടിട്ടുള്ളതുമാണ്. മാത്രവുമല്ല, HPV വാക്സിൻ ദീർഘകാല
സംരക്ഷണമാണ് ഉറപ്പാക്കുന്നത്. വാക്സിനേഷൻ കഴിഞ്ഞ് കുറഞ്ഞത് പത്ത് വർഷമെങ്കിലും സ്ഥിരമായ പ്രതിരോധശേഷി
ഉണ്ടെന്ന് പഠനങ്ങൾ തെളിയിച്ചിട്ടുണ്ട്.
HPV വാക്‌സിനേഷന്റെ പ്രാധാന്യത്തെ കുറിച്ച് ആളുകളിൽ അവബോധം സൃഷ്ടിക്കുന്നത് വേഗത്തിൽ വാക്സിൻ എടുക്കാൻ
ആളുകളെ പ്രാപ്തരാക്കും. HPVയുമായി ബന്ധപ്പെട്ട രോഗങ്ങളുടെയും ക്യാൻസറുകളുടെയും വ്യാപനം കുറയ്ക്കുന്നതിനുള്ള
ഒരു നിർണായക നീക്കമാണ് നേരത്തെയുള്ള വാക്സിനേഷൻ.
