- Tirur Road,Kuttippuram,Malappuram
- Phone: +917592997991
- hayathmedicare@gmail.com
രാവിലെ ഉറക്കമുണർന്ന് കണ്ണാടിയിൽ നോക്കിയാൽ മുഖമാകെ നീര് വെച്ചിരിക്കുന്നതായി കാണാറുണ്ടോ?
രാവിലെ മുഖത്ത് നീര് കാണപ്പെടുന്നതിന്റെ കാരണമെന്താണ്? വിശദമായി വായിക്കാം.
രാവിലെ ഉണരുമ്പോൾ മുഖത്ത് നീർക്കോള് പലർക്കും ഉണ്ടാകും. രാവിലെ എഴുന്നേറ്റ് കണ്ണാടിയിൽ നോക്കുമ്പോൾ
മുഖത്തും കണ്ണിന്റെ തടത്തിലുമെല്ലാം അൽപം നീര് പോലുള്ള തോന്നലുണ്ടാകും. ഇത് പലരേയും അസ്വസ്ഥമാക്കുന്ന
ഒന്നാണ്. ചിലർക്കിത് ഓഫിസിലും മറ്റും പോകുമ്പോൾ മറ്റുള്ളവരുടെ ചോദ്യങ്ങൾക്ക് ഇടയാക്കുന്ന ഘടകം കൂടിയാണ്.
മുഖത്തെ അസാധാരണ നീർവീക്കം ആളുകൾ ശ്രദ്ധിയ്ക്കും. പലരും മദ്യപാനശീലമില്ലാത്തവർ പോലും മദ്യപിച്ചത്
കൊണ്ടാണ് ഇതെന്ന് തെററിദ്ധരിയ്ക്കാനും സാധ്യതകൾ ഏറെയാണ്.
വാട്ടർ റീടെൻഷൻ
ഇത്തരം നീർക്കോളിന് പ്രധാന കാരണം വാട്ടർ റീടെൻഷൻ ആണ്. അതായത് വെള്ളം കെട്ടി നിൽക്കുന്ന അവസ്ഥ.
ഇത്തരത്തിൽ വെള്ളം കെട്ടി നിൽക്കുന്നതിന് കാരണങ്ങൾ പലതുമുണ്ടാകാറുണ്ട്. ഒന്നാണത് ഉറക്കത്തിൽ വരുന്ന
വ്യത്യാസം. കുറവ് ഉറക്കം, കൂടുതൽ ഉറക്കം, നേരം തെറ്റി ഉറക്കം എന്നിവയെല്ലാം തന്നെ ഇതിന് കാരണമാകുന്നു.
കിടക്കുന്ന പൊസിഷൻ ഇതിനുള്ള കാരണമാണ്.
തലയിണയിൽ മുഖമമർത്തി
കമഴ്ന്ന് തലയിണയിൽ മുഖം പൂഴ്ത്തി വച്ചുറങ്ങുന്നവർക്ക് ഈ പ്രശ്‌നമമുണ്ടാകാം. ഇതല്ലാതെ തലേന്ന് രാത്രിയിൽ
സോഡിയം അതായത് ഉപ്പ് കൂടുതലുള്ള ഭക്ഷണം കഴിച്ചാലും ഇതുണ്ടാകാം. ചിലർക്ക് രാത്രി പുറത്ത് നിന്നും ഭക്ഷണം
കഴിച്ചു കിടന്നാൽ രാവിലെ ഇത്തരം പ്രശ്നം തോന്നിയിട്ടുണ്ടാകും. ഇതിൽ വില്ലൻ ആ ഭക്ഷണത്തിൽ അധികം വരുന്ന
ഉപ്പിന്റെ അംശമാണ്. രാത്രിയിൽ ഫാസ്റ്റ്ഫുഡ് കഴിച്ചാൽ ഇതുണ്ടാകാം. ഇത് ബർഗർ മാത്രമല്ല, ബ്രെഡ്, ബൺ പോലുള്ളവയും
ഇതിൽ പെടുന്നു. സോസ് പോലുള്ളവ കഴിച്ചാലും ഇതേ പ്രശ്‌നമുണ്ടാകും. രാവിലെ ഫ്രഷ് ആയി ഉണരാൻ രാത്രി ലൈറ്റ്
അത്താഴം കഴിയ്ക്കണം എന്നു പറയുന്നതിന്റെ കാരണമിതാണ്. ഇതല്ലാതെ മുഖത്തോ ചർമത്തിലോ നാം പുരട്ടുന്ന
മേയ്ക്കപ്പ് വസ്തുക്കളും ക്രീമുകളുമെല്ലാം അലർജിയുണ്ടാക്കിയാൽ ഇതേ പ്രശ്‌നമുണ്ടാകും.
മദ്യപാനം
മദ്യം തലേന്ന് രാത്രി കഴിച്ചു കിടക്കുന്നതും ഇതേ രീതിയിൽ മുഖം ചീർത്തിരിയ്ക്കാൻ കാരണമാകുന്നു. ഇതിന്
കാരണങ്ങൾ രണ്ടാണ്. ഒന്ന് മദ്യം ശരീരത്തിലെ ജലാംശം കുറയ്ക്കുന്ന ഒന്നാണ്. മാത്രമല്ല, ഇത് വെള്ളം കെട്ടിക്കിടക്കാൻ
കാരണമാകുന്ന എഡിമ പോലുള്ള കണ്ടീഷനുകളും ഉണ്ടാക്കുന്നു. മദ്യപിച്ചാൽ ഉറക്കം തടസപ്പെടും. നീർക്കെട്ടിന്
കാരണമാകും. മദ്യം ഉറക്കത്തെ ബാധിയ്ക്കുകയാണ് ചെയ്യുന്നത്, അല്ലാതെ പലരും കരുതുന്നത് പോലെ നല്ല ഉറക്കം
നൽകുകയല്ല. മദ്യപിച്ചാൽ തലച്ചോർ അബോധാവസ്ഥയിലേക്ക് പോകുന്നു. ഇത് ബ്രെയിൻ പ്രവർത്തനത്തെ ബാധിയ്ക്കുന്നു.
ഇതെല്ലാം ഉറക്കത്തെ തടസപ്പെടുത്തുന്നു.
ആർത്തവം
സ്ത്രീകളിൽ മാസമുറയ്ക്ക് മുന്നോടിയായി ഇത്തരം പ്രശ്‌നമുണ്ടാകുന്നു. ചില സ്ത്രീകളിൽ ശരീരം തടിയ്ക്കും, വയർ
വന്നു വീർക്കും, ഇതെല്ലാം ഹോർമോൺ വ്യത്യാസം കാരണമുണ്ടാകുന്നതാണ്. ആർത്തവമായി പിന്നീട് ശരീരം
സ്വാഭാവികമായ അവസ്ഥയിൽ എത്തും. കൃത്യമായി വ്യായാമം, ഭക്ഷണം എന്നിവയെങ്കിൽ സ്ത്രീകൾക്ക് ഇത്തരം
പ്രശ്നം ഒഴിവാക്കാം. അലർജി പ്രശ്നങ്ങൾ, അനീമിയ എന്നിവയെല്ലാം ഇത്തരം നീർക്കെട്ടിന് ഇടയാക്കുന്ന ഒന്നാണ്.
സൈനസൈറ്റിസ് പ്രശ്‌നമുള്ളവർക്കും ഇതേ പ്രശ്നം ഉണ്ടാകാറുണ്ട്. കൂർക്കം വലിയ്ക്കുന്നത് നീർക്കോളുണ്ടാക്കുന്ന
ഒന്നാണ്. തൊണ്ടയിലെ മസിലുകൾ വലിഞ്ഞു മുറുകുന്നതാണ് ഇതിന് കാരണമാകുന്നത്. ഇത് ശരീരത്തിൽ ഓക്‌സിജൻ
കുറവുണ്ടാക്കുന്നു. ആന്തരികാവയവങ്ങൾക്ക് പ്രശ്‌നമുണ്ടാക്കുന്നു. ഹൈപ്പോതൈറോയ്ഡ് പ്രശ്‌നമെങ്കിൽ ഇതേ രീതിയിൽ
നീർക്കെട്ടുണ്ടാകും. അമിതവണ്ണവും വ്യായാമക്കുറവുമെല്ലാം ഇത്തരം പ്രശ്നം മുഖത്തുണ്ടാകാൻ ഇടയാക്കും.
പരിഹാരം
സാധാരണ രീതിയിൽ മുഖത്തുണ്ടാകുന്ന ഇത്തരം നീർക്കെട്ട് അൽപസമയം കഴിയുമ്പോൾ മാറും. ഈ നീര് മറ്റു
ഭാഗങ്ങളിലേക്ക് വലിയുന്നു. ചിലരിൽ ഇത് ഇതേ രീതിയിൽ കൂടുതൽ നേരം നില നിൽക്കും. ഇത് മറി കടക്കാൻ മുഖത്ത്
ലഘുമസാജ് ചെയ്യാം. കോൾഡ് പ്രസ്, ആവി പിടിയ്ക്കുക എന്നിവയും നല്ലതാണ്. നല്ലതുപോലെ വെളളം കുടിയ്ക്കുക
തലേന്ന് ലൈറ്റ് ഫുഡ് കഴിയ്ക്കുക, നല്ലരീതിയിൽ ഉറങ്ങുക എന്നിവയെല്ലാം പിറ്റേന്ന് ഫ്രഷ് ആയി ഉണരാൻ നമ്മെ
സഹായിക്കുന്ന ഘടകങ്ങളാണ്. ഇതുപോലെ മദ്യപാനം, പ്രത്യേകിച്ചും അമിതമായ മദ്യപാനം അരുത്. വളരെ വൈകി
ഉണങ്ങുന്നതും ഉണരുന്നതും ഒഴിവാക്കി നേരത്തെ കിടന്ന് നേരത്തെ ഉണരുന്ന രീതി സഹായിക്കും.
