- Tirur Road,Kuttippuram,Malappuram
- Phone: +917592997991
- hayathmedicare@gmail.com
ഒമേഗ 3 ഫാറ്റി ആസിഡുകള്‍ ശരീരത്തിന് കുറവാണെന്ന് കാണിയ്ക്കുന്ന ലക്ഷണങ്ങള്‍ പലതാണ്. ഇതില്‍ ചിലതിനെ കുറിച്ചറിയൂ.
ശരീരത്തിന് ആവശ്യമായ പല പോഷകങ്ങളുമുണ്ട്. ഇവയില്‍ ഏതിന്റെയെങ്കിലും കുറവ് പല രീതിയിലും ശരീരത്തെ ബാധിയ്ക്കും.
ഇത് ആരോഗ്യത്തെയും മുടിയേയും ചര്‍മത്തേയുമെല്ലാം ബാധിയ്ക്കും. ഇതില്‍ പെട്ട ഒന്നാണ് ഒമഗേ ത്രീ ഫാറ്റി ആസിഡുകള്‍. നാം കഴിയ്ക്കുന്ന ഭക്ഷണത്തില്‍
നിന്നുമാണ് ഇത് ലഭിയ്ക്കുന്നത്. നമ്മുടെ ശരീരത്തിന് ആവശ്യമായ കൊഴുപ്പാണ് ഇത്. നല്ല കൊഴുപ്പ്. മത്സ്യം, സസ്യം എന്നിവയില്‍ നിന്നും ഒമേഗ ത്രീ ലഭിയ്ക്കും.
ഇത് തന്നെ രണ്ടു തരമാണ്. ഇവ രണ്ടും ശരീരത്തിന് ആവശ്യവുമാണ്. ആല്‍ഫ ലിനോലിക്, ഇപിഎ, ഡിഎച്ച്എ എന്നിവയാണ് ഇവ. നോണ്‍ വെജും നട്‌സ്, സീഡ്‌സ്
എന്നിവയും ഇവ ലഭിയ്ക്കാന്‍ കഴിയ്ക്കണം.
മേഗ 3 ഫാറ്റി ആഒസിഡുകള്‍
ഒമേഗ 3 ഫാറ്റി ആസിഡുകള്‍ ചീത്ത കൊളസ്‌ട്രോളിനെ കുറയ്ക്കുന്നു, നല്ല കൊളസ്‌ട്രോളിന് ഗുണം നല്‍കുന്നു. ഹൃദയാരോഗ്യത്തിനും ബ്രെയിന്‍ ആരോഗ്യത്തിനും നല്ലതാണ്.
ഓട്ടോ ഇമ്യൂണ്‍ രോഗങ്ങളെ തടയുന്നു. കുട്ടികള്‍ക്ക് ഇതേറെ നല്ലതാണ്. അമ്മമാര്‍ ഇത് കഴിച്ചാല്‍ കുട്ടികള്‍ക്ക് ഓട്ടിസം, എഡിഎച്ച്ഡി പോലുള്ള രോഗങ്ങള്‍ തടയാന്‍ ഗുണം
നല്‍കുകയും ചെയ്യുന്നു. കുട്ടികള്‍ ഇത് കഴിയ്ക്കുന്നത് ബ്രെയിന്‍ ആരോഗ്യത്തിന് ഏറെ നല്ലതാണ്. ഓര്‍മശക്തിയും ബുദ്ധിശക്തിയും വര്‍ദ്ധിപ്പിയ്ക്കും.
ക്ഷീണവും തളര്‍ച്ചയും
ഒമേഗ 3 ഫാറ്റി ആസിഡുകള്‍ കുറവാണെങ്കില്‍ ശരീരം കാണിയ്ക്കുന്ന പല ലക്ഷണങ്ങളുമുണ്ട്. കണ്ണിന് കാഴ്ച കുറവ്, കണ്ണിന് ഡ്രൈനസ് തുടങ്ങിയ പല
പ്രശ്‌നങ്ങളുമുണ്ടാകുന്നു. രാത്രി കിടന്നാല്‍ ശരിയായി ഉറക്കം ലഭിയ്ക്കില്ല. ഇത് ഉറക്കം നല്‍കുന്ന മെലാട്ടനിന്‍ എന്ന ഹോര്‍മോണ്‍ ഉല്‍പാദത്തെ ബാധിയ്ക്കുന്നതാണ് കാരണം.
ഇതുപോലെ തടി കൂടുന്നു. പെട്ടെന്ന് ക്ഷീണവും തളര്‍ച്ചയും വരുന്നു, തലച്ചോറിന് ആവശ്യത്തിന് ഊര്‍ജം ലഭിയ്ക്കാത്തതാണ് കാരണം. ചെവിയ്ക്കകത്ത് വല്ലാതെ കട്ടി പിടിച്ച്
വരുന്നതാണ് അടുത്ത ഒരു ലക്ഷണം. ചെവിയിലെ വാക്‌സ് ഫ്‌ളൂയിഡ് സ്വഭാവമുള്ളതാണ് ഇത് കട്ടിയാകാതെ പോകാന്‍ സഹായിക്കുന്നത്. ഒമേഗ കുറവെങ്കില്‍ ഇത് കൂടുതല്‍ കട്ടിയാകും.
സന്ധിവേദന
ഇതുപോലെ സന്ധിവേദനകളുണ്ടാകും. സന്ധികളില്‍ കാര്‍ട്ടിലേജുണ്ട്. ഇവയുടെ ആരോഗ്യത്തിന് ഒമേഗ 3 ഫാറ്റി ആസിഡ് വേണം. ഇതു കുറയുമ്പോള്‍ കാര്‍ട്ടിലേജിനെ ബാധിയ്ക്കുന്നു.
ശരീരത്തില്‍ ഇന്‍ഫ്‌ളമേഷന്‍ വര്‍ദ്ധിയ്ക്കും. മുടി പെട്ടെന്ന് പൊട്ടിപ്പോകുന്നു. മുടിയുടെ കെരാറ്റിന്‍ രൂപീകരണത്തിന് ഒമേഗ 3 ഫാററി ആസിഡുകളുടെ കുറവ് കാരണമാകുന്നു.
ശരീരത്തില്‍ വരണ്ട സ്വഭാവവും ചൊറിച്ചിലുമുണ്ടാകുന്നു. എക്‌സീമ പോലുള്ള അവസ്ഥകളുണ്ടാകുന്നു. ഹൃദയാരോഗ്യം കുറയുന്നതാണ് മറ്റൊന്ന്. ഒമേഗ 3 ഫാറ്റി ആസിഡുകള്‍
കുറഞ്ഞാല്‍ രക്തക്കുഴലില്‍ ബ്ലോക്കുണ്ടാക്കാന്‍ കാരണമാകും. തലയില്‍ താരനുണ്ടാകുന്നത് മറ്റൊരു കാരണം. തലയോട്ടി അമിതമായി വരണ്ടുപോകുന്നതിന് ഒമേഗ ത്രീ ഫാറ്റി
ആസിഡുകള്‍ കാരണമാകുന്നതാണ് താരന് കാരണം.
മീന്‍ ഗുളിക
ഇതിനായി പലരും മീന്‍ ഗുളിക പോലുള്ളവ കഴിയ്ക്കുകയാണ്. എന്നാല്‍ സ്വാഭാവിക വഴികളാണ് കൂടുതല്‍ നല്ലത്. അയില, ചാള, ചൂര, നത്തോലി എന്നിവ നല്ലതാണ്. വാള്‍നട്‌സ്,
നട്‌സ് എന്നിവ കഴിയ്ക്കുന്നത് ഗുണം നല്‍കും. സീഡ്‌സ് ഏറെ നല്ലതാണ്. ചിയ സീഡ്‌സ്, ഫ്‌ളാക്‌സ് സീഡ്‌സ് എന്നിവ നല്ലതാണ്. ഇവ കഴിയ്ക്കും. മീനുകളാണ് മികച്ച ഉറവിടം.
ഇത് കഴിയ്ക്കാത്തവര്‍ക്ക് മീന്‍ ഗുളിക കഴിയ്ക്കാം.
