- Tirur Road,Kuttippuram,Malappuram
- Phone: +917592997991
- hayathmedicare@gmail.com
അച്ഛനോ അമ്മയോ വഴക്ക് പറഞ്ഞാൽ ഉടൻ ആത്മഹത്യ ചെയ്യുന്ന കുട്ടികൾ, ടീച്ചർ ഒന്ന് ശാസിച്ചാൽ ഡിപ്രഷൻ വരുന്ന
കുട്ടികൾ അങ്ങനെ ദിവസവും കേൾക്കുന്നത് നമ്മളിൽ പലരെയും ഞെട്ടിക്കുന്ന കാര്യങ്ങളാണ്.ഈ ചെറുപ്രായത്തിൽ
ഡിപ്രഷൻ ഉണ്ടാകാനുള്ള കാരണമെന്താണ്.
10 വയസ് മുതലുള്ള കുട്ടികൾക്ക് എന്തുകൊണ്ടാണ് ഡിപ്രഷൻ വരുന്നതെന്ന് പഴയ തലമുറക്കാർ പലപ്പോഴും ചിന്തിക്കുന്നുണ്ടാവാം.
10നും 19നും ഇടയിൽ പ്രായമുള്ള ഏഴിൽ ഒരാളെങ്കിലും മാനസിക ആരോഗ്യ പ്രശ്നവുമായി ജീവിക്കുന്നുണ്ടെന്നാണ് ലോകാ
രോഗ്യ സംഘടനയുടെ തന്നെ കണക്കുകൾ സൂചിപ്പിക്കുന്നത്. എന്തുകൊണ്ടാണ് ഇന്നത്തെ തലമുറയിൽ ഇത്രയുമധികം
മാനിസകാരോഗ്യ പ്രശ്നങ്ങൾ ഉണ്ടാകാനുള്ള കാരണങ്ങൾ? മക്കൾക്ക് വീട്ടിൽ കിട്ടാത്ത സമാധാനം വേറെ എവിടെ നിന്നാണ്
കിട്ടുന്നതെന്ന് പലരും ആലോചിക്കാറുണ്ട്. അച്ഛന്മമാർക്ക് മക്കളുടെ ഉറ്റ സുഹൃത്തുക്കളാകാൻ കഴിയാതെ വരുന്നത് ഒരു
പരിധി വരെ ഈ പ്രശ്നത്തിൻ്റെ പ്രധാന കാരണമാണ്.
കൊവിഡിൻ്റെ വരവ് മുതിർന്നവരുടെ പോലും മാനസികാരോഗ്യത്തെ വളരെയധികം ബാധിച്ചിട്ടുണ്ട്. കുട്ടികൾക്കും
മുതിർന്നവർക്കുമൊക്കെ അടിച്ചിട്ടുള്ള ലോക്ഡൌൺ കാലം വളരെ ബുദ്ധിമുട്ടുകൾ നേരിട്ടതായിരുന്നു. ഇതിന് ശേഷം
ലോകത്ത് ഉത്കണ്ഠയും വിഷാദവും നേരിടുന്നവരുടെ കണക്കിൽ വലിയ വർധനവ് ഉണ്ടായിട്ടുണ്ട്. ശരീരത്തിൻ്റെ ആരോഗ്യം
പോലെ തന്നെ മനസിൻ്റെ ആരോഗ്യവും വളരെ പ്രധാനമാണ്. ഒരു നിമിഷം കൈ വിട്ട് പോയാൽ ജീവൻ പോലും എടുക്കാൻ
മാനസിക പ്രശ്നങ്ങൾക്ക് കഴിഞ്ഞേക്കാം. കൃത്യ സമയത്ത് ചികിത്സ എടുത്തിട്ട് പോലും പലർക്കും അതിജീവിക്കാൻ കഴിയുന്നില്ല
എന്നത് ഖേദകരമായ കാര്യമാണ്.
ദൈനംദിന ജീവിതത്തിലെ മാനസിക സമ്മർദ്ദവും പിരിമുറുക്കങ്ങളുമെല്ലാം മനസിൻ്റെ ആരോഗ്യത്തെ മോശമായി
ബാധിച്ചേക്കാം. കുട്ടികൾക്ക് അവരുടെ ജീവിതത്തിൽ നടക്കുന്ന എല്ലാ കാര്യങ്ങളും തുറന്ന് പറയാൻ കുടുംബത്തിലുള്ള ഒരാൾ
തന്നെ ഉണ്ടാകേണ്ടത് വളരെ പ്രധാനമാണ്. ഭയം കൂടാതെ എല്ലാം സംസാരിക്കാൻ കഴിഞ്ഞാൽ അത് പല പ്രശ്നങ്ങളെയും ഇല്ലാതാക്കും.
സമൂഹത്തിലെ മാറ്റങ്ങൾ തന്നെയാണ് കുട്ടികളുടെ മനസിൽ ആവശ്യമില്ലാത്ത ചിന്തകളെ കൊണ്ടുവരുന്നത്. സോഷ്യൽ
മീഡിയയും മറ്റും കുട്ടികളെ വളരെ വലിയ രീതിയിൽ സ്വാധീനിക്കാറുണ്ട്. സൗന്ദര്യ കാര്യത്തിലും, സാമ്പത്തിക കാര്യത്തിലു
മൊക്കെ അവർക്ക് ഉണ്ടാകുന്ന അപകർഷത ബോധം പലപ്പോഴും വലിയ പ്രശ്നങ്ങളിലേക്ക് വഴിവെയ്ക്കുന്നു.
ലഹരി ഉപയോഗവും കുട്ടികളുടെ മനസിനെ പിടിച്ച് കുലുക്കുന്നു എന്നതാണ് യാഥാർത്ഥ്യം. സ്കൂളിൽ നിന്ന് തന്നെ തുടങ്ങുന്ന
ലഹരിയുടെ കെണികൾ പല കുഞ്ഞുങ്ങളെയും ആത്മഹത്യയിലേക്ക് തള്ളി വിടാറുണ്ട്. തിരക്കിട്ടുള്ള ജീവിതങ്ങൾക്കിടയിൽ
ഒരുപക്ഷെ മാതാപിതാക്കൾക്ക് മക്കളെ ശ്രദ്ധിക്കാൻ കഴിയാതെ വരുന്നതും വലിയ രീതിയിലുള്ള പ്രശ്നങ്ങളിലേക്ക് നയിച്ചേക്കാം.
തോൽവികളെ അംഗീകരിക്കാൻ കഴിയാതെ പോകുന്നതും കുഞ്ഞ് മനസുകളെ മുറിവേൽപ്പിക്കാറുണ്ട്. ചെറുപ്പം മുതലെ
വാശിപിടിക്കുന്ന എല്ലാ കാര്യങ്ങളും നടത്തി കൊടുക്കുന്ന മാതാപിതാക്കളും ഒട്ടും കുറവല്ല ഇനത്തെ സമൂഹത്തിൽ.
അതൊരു തെറ്റായ രീതിയാണെന്ന് ആദ്യം മാതാപിതാക്കൾ മനസിലാക്കുക. കുട്ടികൾക്ക് പറയാനുള്ളത് മുൻവിധികളോടെ
കേൾക്കാനും മനസിലാക്കാനും ശ്രമിക്കുന്നതും അവരുടെ മനസിന് ശക്തി പകരും. നന്നായി ഉറങ്ങുന്നതും മാനസിക
പ്രശ്നങ്ങളെ ഇല്ലാതാക്കാൻ സഹായിക്കും. പ്രശ്നങ്ങളെ നേരിടാൻ കുഞ്ഞ് മനസുകളെ പ്രാപ്തമാക്കേണ്ടത് ഏറെ പ്രധാനമാണ്.
ആവശ്യ സമയത്ത് കൃത്യമായി ചികിത്സ നൽകാനും ശ്രദ്ധിക്കുക.
