- Tirur Road,Kuttippuram,Malappuram
- Phone: +917592997991
- hayathmedicare@gmail.com
ഇന്നത്തെ കാലത്ത് തടി കുറയ്ക്കാനുള്ള വഴികള്‍ പലതാണ്. ഇതിലൊന്നാണ് ഡയറ്റ്. ഡയറ്റുകളില്‍ പെട്ട ഒന്നാണ് 30-30-30
റൂള്‍ എന്നത്. ഇതെക്കുറിച്ചറിയാം
ഇന്നത്തെ കാലത്ത് പല ജീവിതശൈലീ രോഗങ്ങളെപ്പോലെ അമിതവണ്ണവും ആരോഗ്യപ്രശ്‌നമായി മാറിക്കൊണ്ടിരിയ്ക്കുകയാണ്.
കുട്ടികളില്‍ പോലും ഇത് ഇന്നത്തെ കാലത്ത് അനാരോഗ്യത്തിനുള്ള പ്രധാനപ്പെട്ടൊരു കാരണമായി മാറുന്നു. ഭക്ഷണ, വ്യായാമ,
ജീവിതശൈലികള്‍ തന്നെയാണ് പ്രധാന വില്ലന്‍. ചില ഹോര്‍മോണ്‍ രോഗങ്ങളും ഇതിന് മുഖ്യ കാരണം തന്നെയാണ്. തടി കുറയ്ക്കാന്‍
പല വഴികളുമണ്ട്. ഇതില്‍ പ്രധാനപ്പെട്ടത് ലൈഫ്‌സ്‌റ്റൈല്‍ അടിസ്ഥാനമായുള്ള വഴികള്‍ തന്നെയാണ്.
തടി കുറയ്ക്കാനുളള വഴികളില്‍ പ്രധാനപ്പെട്ടതാണ് ഡയറ്റ്. പലതരം ഡയറ്റുകളുണ്ട്. അതായത് ആഹാരരീതി നിയന്ത്രിയ്ക്കുന്നത്.
കഴിയ്‌ക്കേണ്ടതും ഒഴിവാക്കേണ്ടതുമായ ചിലത്. പലതരം ഡയറ്റുകളാണ് പലര്‍ക്കും ചേരുക. ഒരാള്‍ക്ക് ചേരുന്ന ഡയറ്റ് മറ്റൊരാള്‍ക്ക്
ചേരണം എന്നില്ല. ആരോഗ്യാവസ്ഥകളും രോഗങ്ങളും മറ്റും നോക്കിയാണ് പൊതുവേ ഒരാള്‍ക്ക് ചേരുന്ന ഡയറ്റ് ന്യൂട്രീഷനിസ്റ്റ്
തീരുമാനിയ്ക്കുക. ഇതില്‍ ഒന്നാണ് 30-30-30 റൂള്‍ എന്നത്. ഇത് 30-30-30 മെത്തേഡ് എന്നും അറിയപ്പെടുന്നുണ്ട്. ഇത് ഒരു
പ്രത്യേക ഡയറ്റാണ്. തടി കുറയ്ക്കാന്‍ മാത്രമല്ല, പ്രമേഹം പോലുള്ള രോഗങ്ങള്‍ കുറയ്ക്കാനും നല്ല ഉന്മേഷത്തോടെയിരിയ്ക്കാനും
സഹായിക്കുന്ന വഴിയാണിത്.
വ്യായാമങ്ങള്‍
30-30-30 റൂള്‍ ആര്‍ക്കും ചെയ്യാവുന്ന ഒന്നാണ്. രാവിലെ ഉണര്‍ന്നെഴുന്നേറ്റ് 30 മിനിറ്റിനുള്ളില്‍ 30 ഗ്രാം പ്രോട്ടീന്‍ കഴിയ്ക്കുക,
30 മിനിറ്റ് വ്യായാമം ചെയ്യുക എന്നതാണ് ഇതിന്റെ രീതി. ലഘുവായ വ്യായാമങ്ങള്‍ ചെയ്താല്‍ തന്നെ ഗുണമുണ്ടാകും. ഈ
റൂളിന് ഗുണങ്ങള്‍ പലതാണ്. ഇത് ആരോഗ്യകരമായ ഒരു ശീലം എന്ന രീതിയില്‍ എടുക്കാം. നമുക്ക് എന്നും പാലിയ്ക്കാവുന്ന
ഒരു ശീലം. ഉപാപചയ പ്രക്രിയ ശക്തിപ്പെടുത്തി ഭക്ഷണത്തോടുള്ള ആര്‍ത്തി നിയന്ത്രിച്ച് രക്തത്തിലെ പഞ്ചസാര കൃത്യമായ
നില നിര്‍ത്താന്‍ ഇതേറെ നല്ലതാണ്. ഈ രീതിയില്‍ സ്ഥിരം വ്യായാമമുള്ളതിനാല്‍ ഇത് നമുക്ക് ഊര്‍ജം നല്‍കുന്നു. ഏകാഗ്രത
വര്‍ദ്ധിപ്പിയ്്ക്കുന്നു. ഹൃദയാരോഗ്യം മെച്ചപ്പെടുത്താനും ഇത് സഹായിക്കുന്നു. ഈ രീതിയില്‍ തടി കുറയ്ക്കുന്നത്
ആരോഗ്യകരമാണ്, പ്രാക്ടിക്കലായ കാര്യവുമാണ്. ഇത് വലിയ ബുദ്ധിമുട്ടില്ലാതെ തന്നെ നമുക്ക് ചെയ്യാവുന്ന ഒരു
രീതിയുമാണ്, ഏതുതരം ലൈഫ്‌സ്റ്റൈലിലും അവലംബിയ്ക്കാവുന്ന ഒരു രീതിയാണ് ഇത്.
രക്തത്തിലെ ഗ്ലൂക്കോസ്
അതേ സമയം ചിലര്‍ക്കിത് ബുദ്ധിമുട്ടാകും. രാവിലെ ഉണര്‍ന്ന് അര മണിക്കൂറില്‍ കഴിയ്ക്കാന്‍ ഇഷ്ടപ്പെടാത്തവര്‍ക്കും
ഭക്ഷണം കഴിച്ച് വ്യായാമം ചെയ്യാന്‍ ഇഷ്ടപ്പെടാത്തവര്‍ക്കും. പ്രത്യേകിച്ചും എന്തെങ്കിലും കാര്യമായ ആരോഗ്യപ്രശ്‌നങ്ങള്‍
എങ്കില്‍. ഇത് ചിലപ്പോള്‍ ചിലര്‍ക്ക് കഠിനമായ ഡയറ്റെന്ന് തോന്നിയേക്കാം. രക്തത്തിലെ ഗ്ലൂക്കോസ് സംബന്ധമായ
പ്രശ്‌നങ്ങളുള്ളവര്‍ക്ക് ഈ റൂള്‍ ചിലപ്പോള്‍ പ്രശ്‌നങ്ങള്‍ ഉണ്ടാക്കിയേക്കാം. രക്തത്തിലെ ഗ്ലൂക്കോത് തോതിന് ഏറ്റക്കുറച്ചിലുകള്‍
ഉണ്ടാക്കാം. ചിലര്‍ക്ക് രാവിലെ വെറുവയറ്റില്‍ പ്രോട്ടീന്‍ കഴിയ്ക്കുന്നത് വയറിന് പിടിയ്ക്കാതെ വരാം. പ്രത്യേകിച്ചും
ദഹനപ്രശ്‌നങ്ങളെങ്കില്‍. ഇവര്‍ക്കും ഇത് പ്രയാസമാകാം, അല്ലെങ്കില്‍ പാര്‍ശ്വഫലങ്ങള്‍ ഉണ്ടാക്കാം. ചിലര്‍ക്കിത് മനംപിരട്ടല്‍
പോലുള്ള പ്രശ്‌നങ്ങള്‍ ഉണ്ടാക്കാന്‍ സാധ്യതയുമുണ്ട്. ഈ ഡയറ്റില്‍ ബാക്കിയുള്ള സമയത്ത് എപ്രകാരം ഭക്ഷണക്രമം എന്നത്
പറയുന്നില്ലെന്നാണ് മറ്റൊരു കാര്യം. എത്ര വെള്ളം, എത്ര ഫൈബര്‍ കഴിയ്ക്കണം എന്നൊന്നും ഈ ഡയറ്റ് ചൂണ്ടിക്കാണി
യ്ക്കുന്നില്ല. ഇത് ഈ ഡയറ്റിന്റെ പോരായ്മായി പറയുന്നു..
പച്ചക്കറി
അതേ സമയം കൃത്യമായി പാലിച്ചാല്‍ ഫലം ഉറപ്പു നല്‍കുന്ന ഒന്നാണിത്. മുകളില്‍ പറഞ്ഞ പ്രകരം ഇത് പാലിയ്ക്കാന്‍
സാധിയ്ക്കാത്തവരെങ്കില്‍ അല്‍പം വ്യത്യാസങ്ങള്‍ വരുത്തി ഇത് പിന്‍തുടരാമെന്ന് വിദഗ്ധര്‍ ചൂണ്ടിക്കാട്ടുന്നു. രാവിലെ
തന്നെ ഭക്ഷണം കഴിയ്ക്കാന്‍ പ്രയാസമെങ്കില്‍ വ്യായാമത്തിന് മുന്‍പായി പകുതി ഭക്ഷണം ശേഷം ബാക്കി പകുതി
എന്ന രീതിയില്‍ കഴിയ്ക്കാം. പ്രോട്ടീനൊപ്പം നാരുകളും പച്ചക്കറികളുമെല്ലാം പാലിയ്ക്കാം. പ്രോട്ടീന്‍ 30 ഗ്രാം എന്നതിനൊപ്പം
30 ഗ്രാം നാരുകളും ശീലമാക്കുന്നത് തടി കുറയ്ക്കാന്‍ കൂടുതല്‍ നല്ലതാണ്.
