- Tirur Road,Kuttippuram,Malappuram
- Phone: +917592997991
- hayathmedicare@gmail.com
മുടി അമിതമായി കൊഴിയുമ്പോള്‍ അത്്എന്തുകൊണ്ടാണെന്ന് പലരും ചികയാറില്ല. ചിലര്‍, അത് താരന്‍ മൂലമായിരിക്കും
എന്ന് ചിന്തിക്കും. അല്ലെങ്കില്‍ ചിലര്‍, മുടിയില്‍ എന്തെങ്കിലും എണ്ണ തേക്കാത്തത് മൂലമാണെന്നോ? അല്ലെങ്കില്‍ എന്തെങ്കിലും
വിധത്തിലുള്ള പോഷകക്കുറവ് മൂലമാണെന്നും വിചാരിക്കും. പക്ഷേ, പ്രമേഹം മൂലം മുടി കൊഴിയാം എന്ന് മിക്കവരും
ചിന്തിക്കുകയില്ല. കാരണം, ഇതിനെക്കുറിച്ച് ഇവര്‍ക്ക് ധാരണയും കുറവാണ്. പ്രമേഹം എങ്ങിനെ മുടി കൊഴിച്ചിലിന്
കാരണമാകുന്നു
പ്രമേഹം മുടി കൊഴിച്ചിലിന് കാരണമാകുന്നത് എങ്ങിനെ?
ലോകത്തില്‍ തന്നെ പ്രമേഹരോഗികള്‍ അധികമുള്ള രാജ്യങ്ങളില്‍ ഒന്നാണ് ഇന്ത്യ. പ്രമേഹം കൃത്യമായി ചികിത്സിക്കാതിരുന്നാല്‍
അത് നമ്മളുടെ ആരോഗ്യത്തെ വരെ കാര്യമായി ബാധിക്കുന്നുണ്ട്. അതുപോലെ തന്നെ മുടിയുടെ ആരോഗ്യത്തേയും പ്രമേഹം
ബാധിക്കുന്നു. കാരണം, മുടിയുടെ വളര്‍ച്ചയ്ക്ക് കൃത്യമായി രക്തോട്ടം ലഭിക്കണം. എന്നാല്‍, പ്രമേഹരോഗികളില്‍ രക്തോട്ടം
വളരെ കുറവായതിനാല്‍ മുടിയുടെ ആരോഗ്യം നശിപ്പിക്കുന്നതിന് ഇത് കാരണമാകുന്നു. മുടിയിലേയുടെ വേരുകളിലേയ്ക്ക്
കൃത്യമായി രക്തോട്ടം ഇല്ലെങ്കില്‍ അത് മുടിയുടെ ആരോഗ്യം ക്ഷയിപ്പിക്കുന്നു. ഇത് സാവധാനത്തില്‍ മുടി കട്ടി കുറയാനും
മുടി കൊഴിഞ്ഞ് പോകുന്നതിനും ഇത് കാരണമാകുന്നു.
ഹോര്‍മോണ്‍ വ്യതിയാനം
നിങ്ങള്‍ക്ക് പ്രമേഹം ഉണ്ടെങ്കില്‍ അത് നിങ്ങളുടെ ശരീരത്തില്‍ നല്ലപോലെ ഹോര്‍മോണ്‍ വ്യതിയാനം ഉണ്ടാക്കുന്നതിന്
കാരണമാകുന്നുണ്ട്. നമ്മളുടെ ശരീരത്തില്‍ ഹോര്‍മോണ്‍ വ്യതിയാനം വന്നാല്‍, അത് മുടിയുടെ ആരോഗ്യത്തെ കാര്യമായി
ബാധിക്കുന്നുണ്ട്. ഇത് അലോപേഷ്യപോലെയുള്ള അസുഖങ്ങളിലേയ്ക്ക് നയിക്കാം. അലോപേഷ്യ വന്നാല്‍ മുടി അമിതമായി
കൊഴിയുന്നതിന് കാരണമാണ്. അതുപോലെ ശരീരത്തില്‍ ഇന്‍ഫ്‌ലമേഷന്‍ വരുന്നതിന് ഇത് കാരണമാകുന്നു. ഇത്തരത്തില്‍
ശരീരത്തില്‍ ഉണ്ടാകുന്ന ഇന്‍ഫ്‌ലമേഷന്‍ മുടിയുടെ ആരോഗ്യം നശിപ്പിക്കുകയും മുടിയെ വേരില്‍ നിന്നും ലൂസാക്കാന്‍
കാരണമാവുകയും ചെയ്യുന്നു. ഇത് മുടി കൊഴിച്ചിലിന് കാരണമാണ്. അതുപോലെ തന്നെ മുടി വേഗത്തില്‍ നരയ്ക്കുന്നതിനും
ഇത് കാരണമാകുന്നുണ്ട്.
മുടി കൊഴിച്ചില്‍ വരാതിരിക്കാന്‍
പ്രമേഹം ഉണ്ടെങ്കിലും മുടി കൊഴിച്ചില്‍ വരാതിരിക്കാന്‍ നിങ്ങള്‍ക്ക് ശ്രദ്ധിക്കാവുന്നതാണ്. ഇതിന് ആദ്യം തന്നെ നിങ്ങള്‍
നിങ്ങളുടെ പ്രമേഹം നിയന്ത്രിക്കേണ്ടത് അനിവാര്യമാണ്. ഇതിനായി ഹെല്‍ത്തിയായിട്ടുള്ള ആഹാരം കഴിക്കാന്‍ ശ്രദ്ധിക്കണം.
അതുപോലെ, ഇടയ്ക്കിടയ്ക്ക് പ്രമേഹം പരിശോധിക്കണം. അതുപോലെ, മധുരവും ഉപ്പും കുറയ്ക്കുന്നത് പ്രമേഹത്തെ
നിയന്ത്രിക്കാന്‍ സഹായിക്കും. അതുപോലെ തന്നെ നല്ലരീതിയില്‍ വ്യായാമം ചെയ്യുന്നതും നല്ലതാണ്.
സ്‌ട്രെസ്സ് കുറയ്ക്കുക
നിങ്ങള്‍ അമിതമായി സ്‌ട്രെസ്സ് അനുഭവിക്കുന്ന ആളാണെങ്കില്‍ തീര്‍ച്ചയായും നിങ്ങള്‍ക്ക് പ്രമേഹം വരാനുള്ള സാധ്യ വളരെ
കൂടുതലാണ.് അതുപോലെ തന്നെ സ്‌ട്രെസ്സ് മുടി കൊഴിച്ചിലിനും കാരണമാകുന്നു. അതിനാല്‍, സ്‌ട്രെസ്സ് കുറയ്ക്കാനുള്ള
മാര്‍ഗ്ഗങ്ങള്‍ നിങ്ങള്‍ തീര്‍ച്ചയായും ശ്രദ്ധിക്കണം. സ്‌ട്രെസ്സ് കുറയ്ക്കാന്‍ നല്ലപോലെ ഉറക്കം വേണം. ഉറക്കം ലഭിക്കാന്‍ ചെറിയ
രീതിയില്‍ വ്യായാമങ്ങള്‍ നിങ്ങള്‍ക്ക് ചെയ്യാവുന്നതാണ്. അതുപോലെ, രാത്രിയില്‍ അ മിതമായി ഹെവി ഫുഡ് കഴിക്കാതിരിക്കുക.
അതുപോലെ തന്നെ രാത്രിയില്‍ പാല്‍ കുടിച്ച് കിടക്കുന്നത് വേഗത്തില്‍ ഉറക്കം ലഭിക്കാന്‍ സഹായിക്കുന്നതാണ്. അതിനാല്‍
നിങ്ങള്‍ ഉറക്കം കൃത്യമായി ലഭിക്കുന്നുണ്ടോ എന്ന് ഉറപ്പ് വരുത്തുക. നന്നായി ഉറങ്ങിയാല്‍ നിങ്ങള്‍ക്ക് സ്‌ട്രെസ്സ് കുറയ്ക്കാന്‍
സാധിക്കുന്നതാണ്.
മുടിയുടെ ആരോഗ്യത്തിന്
മുടിയുടെ ആരോഗ്യം നിലനില്‍ക്കാന്‍ മുടിയെ കൃത്യമായി പരിപാലിക്കാന്‍ ശ്രദ്ധിക്കണം. പ്രത്യേകിച്ച് മുടിയ്ക്ക് നല്ലപോലെ
മസാജ് കൊടുക്കുന്നത് നല്ലതാണ്. ഇത് മുടിയുടെ വേരിലേയ്ക്ക് രക്തോട്ടം വരാന്‍ സഹായിക്കും. അതുപോലെ, ഇത് മുടിയുടെ
വളര്‍ച്ചയ്ക്ക് വേണ്ടത്ര പോഷകങ്ങള്‍ ലഭിക്കാനും സഹായിക്കുന്നുണ്ട്. അതുപോലെ, മുടിയ്്ക് വേണ്ട പോഷകങ്ങള്‍
അടങ്ങിയ ആഹാരം കഴിക്കുന്നതും മുടി കഴുകുമ്പോള്‍ കൃത്യമായി ശ്രദ്ധിച്ച് കഴുകി എടുക്കുന്നതും മുടിയുടെ ആരോഗ്യം
നിലനിര്‍ത്താന്‍ സഹായിക്കും.
