- Tirur Road,Kuttippuram,Malappuram
- Phone: +917592997991
- hayathmedicare@gmail.com
എല്ലാവരെയും വളരെ പൊതുവായി ബാധിക്കുന്ന ഒരു അവസ്ഥയാണ് മൂത്രാശയ അണുബാധ. പൊതുവെ സ്ത്രീകളിലാണ്
ഇത് കൂടുതലായി കാണുന്നത്. വളരെ വലിയ രീതിയിലുള്ള ആരോഗ്യ പ്രശ്നങ്ങൾ ഇത് മൂലം ഉണ്ടാകാറുണ്ട്. കൂടാതെ ഇത്
ചികിത്സിക്കാതെ പോകുന്നതും സ്ത്രീകളുടെ ആരോഗ്യത്തെ ബാധിക്കുന്നു. പൊതുവെ മഴക്കാലത്താണ് ഇത്തരം പ്രശ്നങ്ങൾ
അധികമായി കാണപ്പെടുന്നത്. എന്തുകൊണ്ടാണ് മഴക്കാലത്ത് മൂത്രാശയ അണുബാധകൾ ഉണ്ടാകുന്നത് കണ്ടെത്തേണ്ടത്
ഏറെ പ്രധാനമാണ്. ഇത് മനസിലാക്കി ശരിയായ രീതിയിലുള്ള പരിചരണം
എന്താണ് മൂത്രാശയ അണുബാധ?
വൃക്കകൾ ഉൾപ്പെടെ മൂത്രനാളി, മൂത്രസഞ്ചി തുടങ്ങി മൂത്രാശയ വ്യവസ്ഥയുടെ ഏതെങ്കിലും ഭാഗത്ത് സംഭവിക്കുന്ന
അണുബാധകളെയാണ് യുടിഐകൾ എന്ന് വിളിക്കുന്നത്. മിക്ക അണുബാധകളിലും താഴ ഭാഗത്തെ മൂത്രനാളിയെയാണ്
ബാധിക്കുന്നത് അഥായത് മൂത്രാശയത്തെയും മൂത്രനാളിയെയും. പുരുഷന്മാരെ സംബന്ധിച്ചിടത്തോളം സ്ത്രീകളുടെ
മൂത്രധ്വാരത്തിന് നീളം കുറവായത് കൊണ്ടാണ് പെട്ടെന്ന് യുടിഐ ബാധിക്കുന്നത്. ഇത് മൂലം ബാക്ടീരിയകൾ വേഗത്തിൽ
ബ്ലാഡറിലേക്ക് കടക്കുന്നു. നിരന്തരമായതും ശക്തമായതുമായ മൂത്രമൊഴിക്കാനുള്ള തോന്നൽ, അതികഠിനമായ വേദന,
പെൽവിക് വേദന എന്നിവയൊക്കെ ലക്ഷണങ്ങളാണ്.
ഈർപ്പം
മഴക്കാലത്ത് മൂത്രാശയ രോഗങ്ങൾ കൂടാനുള്ള പ്രധാന കാരണങ്ങളിലൊന്നാണ് അമിതമായ ഈർപ്പം. മഴക്കാലത്തെ അമിത
മായ ഈർപ്പവും മറ്റും ബാക്ടീരിയകളെ വേഗത്തിൽ വളരാൻ ഇടയാക്കും. സ്ത്രീകൾക്ക് ജനനേന്ദ്രിയത്തിൽ അമിതമായ
വിയർപ്പും അതുപോലെ നനവും കൂടുതലായിരിക്കും. ഇത് മൂലം ഈ സ്ഥലങ്ങളിൽ എഷെറിച്ചിയ കോളി (ഇ. കോളി)
പോലുള്ള ബാക്ടീരിയകളുടെ വ്യാപനം ഉണ്ടാകുകയും യുടിഐ ബാധിക്കുകയും ചെയ്യുന്നു.
നനഞ്ഞ വസ്ത്രങ്ങൾ
പൊതുവെ മഴക്കാലത്ത് വസ്ത്രങ്ങൾ മഴയത്ത് ഉണങ്ങാൻ വലിയ പ്രയാസമായിരിക്കും. അതുകൊണ്ട് തന്നെ അണുബാധ
ഉണ്ടാകാനുള്ള സാധ്യതയും കൂടുതലാണ്. മഴ നനഞ്ഞ ശേഷം എത്രയും വേഗം വസ്ത്രങ്ങൾ മാറ്റാൻ ശ്രമിക്കുക. നനഞ്ഞ
അടിവസ്ത്രങ്ങൾ ദീർഘനേരം ഉപയോഗിക്കുന്നത് വേഗത്തിൽ ബാക്ടീരിയ വളർച്ച ഉണ്ടാകാൻ കാരണമാകും. നനവ്
ബാക്ടീരിയകൾക്ക് വളരാനുള്ള പ്രധാന കാരണങ്ങളിലൊന്നാണ്.
പ്രതിരോധ ശേഷി കുറയുക
പ്രതിരോധ ശേഷി കുറയുന്നതും അണുബാധ ഉണ്ടാകാനുള്ള ഒരു പ്രധാന പ്രശ്നമാണ്. കാലാവസ്ഥ മാറുമ്പോൾ രോഗപ്രിതരോധ
ശേഷിയും കുറഞ്ഞ് പോകാം. ഇത് അണുബാധ എളുപ്പത്തിൽ പിടിപ്പെടാൻ കാരണമാകുന്നു. പെട്ടെന്ന് ചൂടിൽ നിന്ന് തണുപ്പി
ലേക്ക് മാറുമ്പോൾ ചില വ്യക്തികൾക്ക് പുതിയ കാലാവസ്ഥയുമായി അഡ്ജസ്റ്റാകാൻ സമയമെടുക്കുന്നതാണ് ഇതിന് കാരണം.
പ്രതിരോധ ശേഷി കൂട്ടാനുള്ള കാര്യങ്ങൾ ചെയ്യുന്നത് ശരീരത്തിന് ബാക്ടീരിയകളോട് പൊരുതാൻ കൂടുതൽ ഊർജ്ജം
നൽകാൻ സാഹയിക്കും.
നിർജ്ജലീകരണം
മഴ സമയത്ത് പൊതുവെ എല്ലാവർക്കുമുണ്ടാകുന്ന പ്രശ്നമാണ് നിർജ്ജലീകരണം. തണുപ്പും മഴയുമൊക്കെ ആകുമ്പോൾ
ദാഹം കുറയുന്നത് കാരണം പലരും വെള്ളം കുടിക്കാൻ മറക്കും അല്ലെങ്കിൽ മടി കാണിക്കും. ഇത് വലിയ രീതിയിലുള്ള
പ്രശ്നങ്ങളാണ് ഉണ്ടാക്കുന്നത്. അധികം വെള്ളം കുടിക്കാത്തത് കൊണ്ട് തന്നെ മൂത്രമൊഴിക്കാൻ തോന്നാതിരിക്കുന്നത്
സ്വാഭാവികമാണ്. ഇത് മൂത്രനാളിയിൽ ബാക്ടീരിയ ദീർഘനേരം ഇരിക്കാനും വേഗത്തിൽ വളരാനും ഇടയാക്കും.
എന്തൊക്കെ കാര്യങ്ങൾ ശ്രദ്ധിക്കണം?
വ്യക്തിശുചിത്വം കാത്തുസൂക്ഷിക്കാൻ ശ്രദ്ധിക്കുക. മൂത്രമൊഴിച്ച ശേഷം സാധാരണ വെള്ളം ഉപയോഗിച്ച് സ്വകാര്യഭാഗം
കഴുകി വ്യത്തിയാക്കുക. നനഞ്ഞ അടിവസ്ത്രങ്ങൾ ദീർഘനേരം ഉപയോഗിക്കാതെ അത് പെട്ടെന്ന് തന്നെ മാറ്റാൻ ശ്രമിക്കണം.
മൂത്രമൊഴിക്കാൻ തോന്നിയിട്ടും പോകാതെ ദീർഘനേരം പിടിച്ച് വയ്ക്കരുത്. ദിവസവും എട്ട് ഗ്ലാസ് വെള്ളമെങ്കിലും
കുടിക്കാൻ ശ്രമിക്കണം. കൂടാതെ രോഗപ്രതിരോധ ശേഷി കൂട്ടാനുള്ള ഭക്ഷണവും മറ്റും ദൈനംദിന ഡയറ്റിൽ ഉൾപ്പെടു
ത്തണം.
