- Tirur Road,Kuttippuram,Malappuram
- Phone: +917592997991
- hayathmedicare@gmail.com
ലോകത്ത് ഇന്ന് ക്യാൻസർ രോഗികളുടെ എണ്ണം അമിതമായി കൂടി കൊണ്ടിരിക്കുകയാണ്. ഇതിൻ്റെ പ്രധാന കാരണം
മാറികൊണ്ടിരിക്കുന്ന ജീവിതശൈലിയും ഭക്ഷണശൈലിയുമൊക്കെ തന്നെയാണ്. ആമാശയ ക്യാൻസറാണ് പലരിലും
കണ്ടുവരുന്ന പ്രധാന പ്രശ്നം. അമിതവണ്ണത്തിന് ഈ ക്യാൻസറും തമ്മിൽ ബന്ധമുണ്ട്. ശരിയായ രീതിയിൽ ശരീര ഭാരം
നിയന്ത്രിച്ചില്ലെങ്കിൽ ഒരുപക്ഷെ ആരോഗ്യത്തെ മോശമായി അത് ബാധിച്ചേക്കാം.
ആളുകൾക്ക് പൊതുവെ വളരെ പേടിയുള്ള രോഗമാണ് ക്യാൻസർ. ഇന്ന് ലോകത്തെ ഭൂരിഭാഗം ആളുകൾക്കും ക്യാൻസർ
രോഗം കണ്ടുവരുന്നുണ്ട്. പൊതുവെ മാറി കൊണ്ടിരിക്കുന്ന ജീവിതശൈലിയും ഭക്ഷണശൈലിയുമൊക്കെ ആണ്
ക്യാൻസറിൻ്റെ പ്രധാന കാരണങ്ങൾ. പ്രമേഹം, ഹൃദ്രോഗം എന്നിവയ്ക്കൊക്കെ കാരണമാകുന്ന അമിതവണ്ണവും
ക്യാൻസറിന് കാരണമാകുമെന്ന് പറഞ്ഞാൽ പലർക്കും അത്ഭുതമായിരിക്കും. പ്രത്യേകിച്ച് ആമാശയ ക്യാൻസർ അഥവ
വയറിലെ അർബുദത്തിന് അമിതവണ്ണം ഒരു പ്രധാന കാരണമാണ്. വയർ, പാൻക്രിയാസ്, കോളൻ തുടങ്ങിയ ഇടങ്ങളിലാണ്
ഇത് മൂലം ക്യാൻസർ ഉണ്ടാകാനുള്ള സാധ്യത കൂടുന്നത്.
എങ്ങനെയാണ് അമിതവണ്ണം കാരണമാകുന്നത്?
പൊതുവെ വ്യായാമക്കുറവ് ഉള്ളവർക്കാണ് അമിതവണ്ണത്തിൻ്റെ പ്രശ്നമുണ്ടാകുന്നത്. അമിതമായ കൊഴുപ്പ് അടിഞ്ഞ് കൂടി
പല തരത്തിലുള്ള ശാരീരിക മാറ്റങ്ങളിലേക്ക് നയിച്ചേക്കാം. ക്യാൻസർ വളരാൻ സ്വാധീനിക്കുന്ന ഹോർമോണുകളും
വളർച്ചാ ഘടകങ്ങളും ഉത്പാദിപ്പിക്കാൻ കഴിയുന്ന അഡിപ്പോസ് ടിഷ്യുവിൻ്റെ പങ്ക് ഇതിലെ പ്രധാന ഘടകമാണ്.
അമിതവണ്ണ പലപ്പോഴും ആളുകളിൽ വിട്ടുമാറാത്ത വീക്കം ഉണ്ടാക്കുന്നു, ഇത് സെല്ലുലാർ കേടുപാടുകൾക്കും ക്യാൻസർ
ഉണ്ടാകാനും കാരണമാകും.മാത്രമല്ല, അധിക കൊഴുപ്പ് ഇൻസുലിൻ പ്രതിരോധത്തിനും ഇൻസുലിൻ എന്ന
ഹോർമോണിൻ്റെ ഉയർന്ന അളവിലേക്കും നയിച്ചേക്കാം, ഇത് കാൻസർ കോശങ്ങളുടെ വളർച്ചയെ
പ്രോത്സാഹിപ്പിക്കുന്നതുമാണ്. മാത്രമല്ല ആമാശയത്തിലെ നല്ല ബാക്ടീരിയകളുടെ വളർച്ചയെയും അമിതവണ്ണം
ബാധിക്കാനുള്ള സാധ്യത വളരെ കൂടുതലാണ്.
പ്രധാന ലക്ഷണങ്ങൾ എന്തൊക്കെ
പൊതുവെ ക്യാൻസറിൻ്റെ പല ലക്ഷണങ്ങളും വളരെ വൈകിയായിരിക്കും കണ്ടെത്തുന്നത്. ആമാശയ അർബുദം
പോലെയുള്ള ഈ ഗണത്തിൽപ്പെട്ടതാണ്. സ്ഥിരമായ ദഹനക്കേട്, നെഞ്ചെരിച്ചിൽ, ചെറിയ അളവിൽ മാത്രം
കഴിച്ചതിനുശേഷം വയർ നിറഞ്ഞതായി തോന്നുക എന്നിവയൊക്കെ പൊതുവായി കാണപ്പെടുന്ന ചില ലക്ഷണങ്ങളാണ്.
ഈ രോഗമുള്ളവർക്ക് ഓക്കാനം, ഛർദ്ദി, പെട്ടെന്ന് ശരീരഭാരത്തിൽ മാറ്റം എന്നിവയൊക്കെ അനുഭവപ്പെടാനും സാധ്യതയുണ്ട്.
ക്യാൻസർ വളരുന്നത് അനുസരിച്ച്, വയറുവേദന, ഭക്ഷണം കഴിക്കാൻ ബുദ്ധിമുട്ട്, മലത്തിൽ രക്തം എന്നിങ്ങനെയുള്ള
കൂടുതൽ ഗുരുതരമായ ലക്ഷണങ്ങൾ കണ്ടെത്താം. വിളർച്ച മൂലം ക്ഷീണവും ബലഹീനതയും രോഗികൾക്കുണ്ടാകാനും
സാധ്യത കൂടുതലാണ്.
എങ്ങനെ പ്രതിരോധിക്കാം
ജീവിതശൈലിയിലെ മാറ്റങ്ങളാണ് ഇത്തരം രോഗങ്ങളെ ചെറുക്കാനുള്ള ഏറ്റവും എളുപ്പ മാർഗം. ധാരാളം പഴങ്ങളും
പച്ചക്കറികളുമൊക്കെ ഉൾപ്പെടുത്തി ആരോഗ്യകരമായ ഭക്ഷണം കഴിക്കാൻ ശ്രമിക്കുക. ഭാരം നിയന്ത്രിച്ച് ശരിയായ ഡയറ്റ്
പിന്തുടരേണ്ടത് വളരെ പ്രധാനമാണ്. ശരിയായ വ്യായാമക്രമവും മറ്റൊരു പ്രതിരോധ മാർഗമാണ്. ദിവസവും കുറച്ച് നേരം
വ്യായാമം ചെയ്യാൻ ശ്രദ്ധിക്കണം. ആഴ്ചയിൽ കുറഞ്ഞത് മൂന്ന് ദിവസമെങ്കിലും എന്തെങ്കിലും തരത്തിലുള്ള വ്യായാമ
ശീലങ്ങളിൽ ഏർപ്പെടുക. അമതിവണ്ണം ഉള്ളവരും കുടുംബത്തിൽ നേരത്തെ ബന്ധുകൾക്ക് ക്യാൻസർ വന്നിട്ടുള്ളവരും
കൃത്യമായി പരിശോധന നടത്താൻ പ്രത്യേകം ശ്രദ്ധിക്കണം.
രോഗത്തിനുള്ള ചികിത്സ
എല്ലാ ക്യാൻസറുകളെയും പോലെ കീമോതെറാപ്പിയും റെഡിയേഷനുമാണ് ഈ ക്യാൻസറിനും പ്രധാനമായും ചെയ്യുന്നത്.
അതുപോലെ സർജറി ചെയ്തും ക്യാൻസർ സെല്ലുകളെ നീക്കം ചെയ്യാറുണ്ട്. മാത്രമല്ല ശരിരായ രീതിയിലുള്ള
പരിശോധനയിലൂടെ വേണം രോഗം കണ്ടെത്താനും ചികിത്സിക്കാനും. ഇതിന് നല്ലൊരു ആരോഗ്യവിദഗ്ധൻ്റെ സഹായം
തേടാൻ ശ്രമിക്കുക. എന്തെങ്കിലും ചെറിയ ലക്ഷണങ്ങൾ കണ്ടാൽ പോലും വൈദ്യ സഹായം തേടാൻ മറക്കരുത്.
