- Tirur Road,Kuttippuram,Malappuram
- Phone: +917592997991
- hayathmedicare@gmail.com
കഴിഞ്ഞ കുറച്ച് മാസങ്ങളായി ചൂട് വളരെ ഉയർന്ന നിലയിലാണ് സംസ്ഥാനത്ത് തുടരുന്നത്. പല തരത്തിലുള്ള രോഗങ്ങളും
ഈ സമയങ്ങളിൽ പടർന്ന് പിടിക്കുന്നതും സ്വാഭാവികമാണ്. ചൂട് കൂടുമ്പോൾ ഉണ്ടാകുന്ന് ചർമ്മത്തിലെ പ്രശ്നങ്ങൾ, നേത്ര
രോഗങ്ങൾ, ചിക്കൻ പോക്സ് തുടങ്ങി ധാരാളം രോഗങ്ങൾക്കുള്ള മുൻകരുതകലുകൾ എടുക്കേണ്ടത് ഏറെ പ്രധാനമാണ്. കുട്ടികൾ,
പ്രായമായവർ, രോഗികൾ എന്നിവരെല്ലാം പുറത്ത് പോകുമ്പോൾ പ്രത്യേകം ശ്രദ്ധിക്കേണ്ടത് വളരെ പ്രധാനമാണ്. ഈ വേനൽ
കാലത്ത് ശ്രദ്ധിക്കേണ്ട ചില കാര്യങ്ങൾ നോക്കാം.
വെള്ളം കുടിക്കുക
ധാരാളം വെള്ളം കുടിക്കേണ്ടത് വളരെ പ്രധാനമാണ് പ്രത്യേകിച്ച് ചൂട് സമയത്ത്. ഈ സമയത്ത് നിർജ്ജലീകരണം ഒഴിവാക്കാൻ
വെള്ളം ധാരാളം കുടിക്കണം. ശരീരത്തിലെ അനാവശ്യ വിഷാംശങ്ങൾ പുറന്തള്ളാൻ, അവയവങ്ങളെ സംരക്ഷിക്കാനുമൊക്കെ
വെള്ളം അത്യാവശ്യമാണ്. മാത്രമല്ല ചർമ്മത്തിലെ ഈർപ്പം നിലനിർത്താനം ഇത് ഏറെ സഹായിക്കും. വെള്ളം കുടിക്കുന്നത്
പ്രായഭേദമന്യേ എല്ലാവർക്കും ബാധകമാണ്. ധാരാളം വെള്ളം കുടിക്കുന്നത് ആരോഗ്യത്തെ സംരക്ഷിക്കാൻ ഏറെ നല്ലതാണ്.
വ്യത്തിയുള്ള ഭക്ഷണം
ചൂടായത് കൊണ്ട് തന്നെ ഭക്ഷണം വേഗത്തിൽ അഴുക്ക് ആകാനുള്ള സാധ്യത വളരെ കൂടുതലാണ്. ഈ സമയത്ത് ഭക്ഷണത്തിൽ
ബാക്ടീരിയകളും മറ്റ് ഫംഗസുകളുമൊക്കെ വേഗത്തിൽ ഉണ്ടാകാം. അതുകൊണ്ട് കഴിക്കുന്ന ഭക്ഷണങ്ങൾ നല്ലതാണെന്ന് ഉറപ്പ്
വരുത്തുക. ഭക്ഷണം ശരിയായി ഫ്രിഡ്ജിൽ സൂക്ഷിക്കാൻ ശ്രദ്ധിക്കുക. ദഹന പ്രശ്നങ്ങൾ, വയറിളക്കം എന്നിവ ഉണ്ടാകാനുള്ള
സാധ്യത വളരെ കൂടുതലാണ് ഈ സമയത്ത്. പുറത്ത് ജോലി ചെയ്യുന്നവർ കൈകൾ ശരിയായി കഴുകി വ്യത്തിയാക്കിയ ശേഷം
മാത്രം ഭക്ഷണം കഴിക്കുക.
പുറത്തിറങ്ങുമ്പോൾ സൂക്ഷിക്കുക
അതികഠിനമായ ചൂട് ആയത് കൊണ്ട് തന്നെ ഈ സമയങ്ങളിൽ പുറത്ത് ഇറങ്ങുമ്പോൾ വളരെയധികം ശ്രദ്ധിക്കുക. രാവിലെ
11 മുതൽ ഉച്ചയ്ക്ക് മൂന്ന് വരെയുള്ള വെയിൽ ഏൽക്കാതിരിക്കാൻ പ്രത്യേകം ശ്രദ്ധിക്കുക. പ്രായമായവർ, കുട്ടികൾ,
ഗർഭിണികൾ എന്നിവർ ഈ സമയങ്ങളിൽ അതീവ ജാഗ്രത പാലിക്കുക. ഈ സമയങ്ങളിലെ ജോലി ഒഴിവാക്കുന്നതാണ് ഉചിതം.
പകരം രാവിലെ നേരത്തെയോ അല്ലെങ്കിൽ വൈകുന്നേരങ്ങളിലോ ജോലികൾ ചെയ്യാൻ ശ്രമിക്കണം. നേരിട്ട് സൂര്യപ്രകാശം
ഏൽക്കുന്നത് സൂര്യാഘാതത്തിനും അതുപോലെ മറ്റ് ആരോഗ്യ പ്രശ്നങ്ങൾ ഉണ്ടാക്കാനും കാരണമാകും. കുട്ടികളെ ഈ
സമയങ്ങളിൽ അധികം പുറത്ത് പോയി കളിക്കാൻ അനുവദിക്കരുത്.
കണ്ണിൻ്റെ ആരോഗ്യം
ചെങ്കണ്ണ് പോലെയുള്ള അസുഖങ്ങൾ ചൂട് കാലത്താണ് പടർന്ന് പിടിക്കുന്നത്. ഇത് ഒഴിവാക്കാൻ പ്രത്യേകം മുൻകരുതലുകൾ
എടുക്കണം. കൃത്യമായ ഇടവേളകളിൽ കണ്ണുകൾ കഴുകുക. അധികമായി കണ്ണുകൾ ചൊറിയുന്നത് ഒഴിവാക്കുക. കഴുകാതെ
കൈ ഉപയോഗിച്ച് കണ്ണിൽ തൊടുന്നത് അണുബാധ ഒഴിവാക്കാൻ സഹായിക്കും. കണ്ണ് വളരെ പ്രധാനപ്പെട്ട അവയവമാണ്
അതുകൊണ്ട് തന്നെ ശരിയായി സൂക്ഷിക്കേണ്ടതും ഏറെ പ്രധാനമാണ്.
ചർമ്മ സംരക്ഷണം
തൊലിപ്പുറത്ത് ഉണ്ടാകുന്ന അസുഖങ്ങളും ചൂട് കാലത്ത് വളരെ കൂടുതലായിരിക്കും. ശരീരത്തിലെ താപനിലയെ കുറയ്ക്കാൻ
വിയർപ്പ് സഹായിക്കുമെങ്കിലും അമിതമായ വിയർപ്പ് പല തരത്തിലുള്ള ചർമ്മ പ്രശ്നങ്ങളുണ്ടാക്കാൻ കാരണമായേക്കാം.
കൃത്യമായ അളവിൽ വെള്ളം കുടിക്കുന്നത് ശരീരത്തിന് അകത്തും പുറത്തും കുളിർമ നൽകാൻ സഹായിക്കും. നിർജ്ജലീ
കരണം ഒഴിവാക്കാനും ശരീരത്തിൽ ഈർപ്പം നിലനിർത്താനും ഇത് പ്രയോജനകരമാണ്. കൂടാതെ വരണ്ട ചർമ്മം ഒഴിവാക്കാനും
ഇത് നല്ലൊരു മാർഗമാണ്.
