- Tirur Road,Kuttippuram,Malappuram
- Phone: +917592997991
- hayathmedicare@gmail.com
വീടിന് ഐശ്വര്യവും ഭംഗിയും തരുന്ന ചെടികൾ വള‍ർത്താൻ പൊതുവെ എല്ലാവർക്കും വലിയ ഇഷ്ടമാണ്. പൂക്കൾ ഭംഗിയും
പൊസിറ്റിവിറ്റിയുമൊക്കെ നൽകുന്നതാണെന്ന് എല്ലാവർക്കുമറിയാം. പക്ഷെ ചില പൂക്കൾ വിഷാംശമുള്ളതാണെന്ന്
പലർക്കും അറിയില്ല. അരളി പൂവിനെക്കുറിച്ചുള്ള വിവാദങ്ങളാണ് ഇപ്പോൾ ച‍ർച്ചയായി കൊണ്ടിരിക്കുന്നത്. അരളി പൂവിൽ
വിഷാംശമുണ്ടെന്ന് പഠനങ്ങൾ പറയുന്നു. മനുഷ്യർക്ക് ഹാനികരമായ ചില വിഷ പൂവുളെക്കുറിച്ച് നോക്കാം
അരളി
കാണാൻ ഭംഗിയുള്ളതും മണമുള്ളതുമായ അരളി പൂവിൽ വിഷാംശമുണ്ട്. കേരളത്തിലെ ക്ഷേത്രങ്ങളിൽ നിവേദ്യത്തിനൊപ്പം
രിചിതമാണ്. അലങ്കാര സസ്യമായ അരളിപൂവ് ഭക്ഷ്യയോഗ്യമല്ല കാരണം ഇതിൽ വിഷാംശമുണ്ട്. നോര്‍ത്ത് ആഫ്രിക്കയാണ്
അരളി ചെടിയുടെ ഉത്ഭവം. നീരിയം ഒലിയാന്‍ഡർ എന്ന ശാസ്ത്രീയനാമത്തിലാണ് ഈ കുറ്റിച്ചെടി അറിയപ്പെടുന്നത്.
അപ്പോസയനേസിയേ കുടുംബത്തിൽപ്പെട്ട ഈ ചെടിയുടെ ഇലയിലും പൂവിലും കായയിലും വേരിലും വരെ വിഷാംശമുണ്ട്.
ഇതിലെ പാൽപോലെ ഉള്ള ഒലിയാൻഡ്രിലിൻ എന്ന രാസവസ്തു ശരീരത്തിലെത്തിയാൽ ഛർദിയും ദേഹാസ്വസ്ഥ്യവും
ഉണ്ടാകും. മാത്രമല്ല ഇത് ഹൈപ്പോ ടെൻഷൻ, ഹൃദയസംബന്ധമായ പ്രശ്നങ്ങൾ എന്നിവയിലേക്ക് നയിച്ചേക്കാം.
മിക്ക പറമ്പുകളിലും കാണപ്പെടുന്നതാണ് മോണിങ് ഗ്ലോറി എന്ന വള്ളിച്ചെടി. കാണാൻ ഭംഗിയുള്ള ഈ ചെടിയുടെ
വിത്തുകൾ വളരെ അപകടകാരികളാണ്. വലിയ അളവിൽ കഴിച്ചാൽ ഛർദ്ദിൽ, വയറിളക്കം, ഹാലൂസിനേഷൻ പോലെയുള്ള
പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്. എൽഎസ്ഡിക്ക് സമാനമയാ കെമിക്കലാണ് ഈ ചെടിയിൽ കാണപ്പെടുന്നത്.
കാഹളമൂതും മാലാഖ (Angles trumpet)
കാഹളമൂതും മാലാഖ അഥവ എയ്ഞ്ചെൽസ് ട്രെംപറ്റ് എന്നാണ് ഈ പൂവ് അറിയപ്പെടുന്നത്. ലോകത്തിലെ ഏറ്റവും
അപകടകരമായ പൂക്കളിലൊന്നാണ് കാഹളമൂതും മാലാഖ. ഈ പാസ്റ്റൽ പിങ്ക് പൂക്കൾ ആകർഷകമായി തോന്നുമെങ്കിലും
അപകടകരമായ പാർശ്വഫലങ്ങൾ ഉണ്ടാക്കുന്നതാണ്. ഈ പൂക്കൾ കഴിച്ചാൽ വ്യത്യസ്ത തരത്തിലുള്ള ഇല്ലാത്തത് പലതും
ഉള്ളതായി തോന്നുന്ന ഹാലൂസിനേഷൻ ഉണ്ടാകാനുള്ള സാധ്യത കൂടുതലാണ്.
മഞ്ഞ, പിങ്ക്, വെള്ള, ഓറഞ്ച്, ഗോൾഡ്, പീച്ച് എന്നിങ്ങനെ വ്യത്യസ്ത നിറങ്ങളിൽ ഈ പൂക്കൾ കാണപ്പെടുന്നുണ്ട്.
ലോകമെമ്പാടുമുള്ള ഏറ്റവും മനോഹരമായ വിഷ പുഷ്പങ്ങളിൽ ഒന്നായി ഇത് അറിയപ്പെടുന്നു.
ചെകുത്താൻ പഴം (Deadly nightshade)
കാണാൻ നല്ല ഭംഗിയുള്ള കുഞ്ഞ് പഴങ്ങൾ വളരുന്ന ചെടിയാണിത്. ഡെഡ്ലി നൈറ്റ് ഷെയ്ഡ് എന്ന് വിളിപ്പേരുള്ള ഈ ചെടി വളരെ
അപകടകാരികളാണ്. അട്രോപ ബെല്ലാഡോണയെന്നാണ് ഇതിൻ്റെ ശാസ്ത്ര നാമം. തക്കാളി, ഉരുളക്കിഴങ്ങ്,
വഴുതനങ്ങ എന്നിവയുടെ ഇനത്തിൽപ്പെട്ടതാണ് ഈ ചെടി. എല്ലാ ഭാഗങ്ങളിലും വിഷമുള്ളതാണ് ഈ ചെടിയെന്നത് മറ്റൊരു
പ്രത്യേകതയാണ്. മൂന്നിനം ആൽക്കലോയ്ഡുകളാണ് ഈ ചെടിയെ വിഷാംശമുള്ളതാക്കുന്നത്. അനിയന്ത്രിതമായ വിയർപ്പ്,
വയറിന് അസ്വസ്ഥത എന്നിവയെല്ലാം ഇത് കഴിച്ചാലുണ്ടാകാറുണ്ട്. കാണാൻ കുഞ്ഞന്മാരായത് കൊണ്ട് തന്നെ കുട്ടികൾ ഇത്
കണ്ട് ആകർഷിപ്പെടുകയും കഴിക്കുകയും ചെയ്യാറുണ്ട്.
