- Tirur Road,Kuttippuram,Malappuram
- Phone: +917592997991
- hayathmedicare@gmail.com
പഞ്ചസാര ആരോഗ്യത്തിന് നല്ലതല്ലെന്ന് നമുക്കറിയാം. എന്നാല്‍ നാമറിയാതെ തന്നെ ഇതിനേക്കാള്‍ ഇരട്ടി ദോഷം ചെയ്യുന്ന
ഈ ഭക്ഷണ വസ്തു നമ്മുടെ ശരീരത്തില്‍ എത്തുന്നു.
പഞ്ചസാരയേക്കാള്‍ ദോഷം വരുത്തും നാം കഴിയ്ക്കുന്ന ഇത്..
പഞ്ചസാര ദോഷകരമായ ഒന്നാണെന്ന് നമുക്കറിയാം.വെളുത്ത വിഷം എന്നാണ് ഇത് അറിയപ്പെടുന്നത്. പ്രമേഹം, ഫാറ്റി ലിവര്‍, അമിതവണ്ണം തുടങ്ങിയ പല തരം ആരോഗ്യ പ്രശ്‌നങ്ങള്‍
വരുത്തുന്ന ഒന്നാണ് പഞ്ചസാര. ചര്‍മത്തിനും മുടിയ്ക്കുമൊന്നും തന്നെ പഞ്ചസാര ആരോഗ്യകരമല്ല. നാം പലരും പഞ്ചസാര ഒഴി
വാക്കാന്‍ ശ്രമിയ്ക്കും. എന്നാല്‍ പഞ്ചസാരയേക്കാള്‍ അപകടകരമായ ഒരു വസ്തു നാം അറിയാതെ നമ്മുടെ ഉള്ളില്‍ ചെല്ലുന്നുവെന്ന
താണ് വാസ്തവം. കുട്ടികള്‍ ഉള്‍പ്പെടെ നാം കഴിയ്ക്കുന്ന പല വസ്തുക്കളിലും ഇവ നിത്യസാന്നിധ്യം കൂടിയാണ്.
പഞ്ചസാര
മാള്‍ട്ടോഡെക്‌സ്ട്രിന്‍ എന്നതാണ് ഇത്. ഇതാണ് കൃത്രിമമായ പഞ്ചസാര. നാം വാങ്ങുന്ന പല ഭക്ഷണവസ്തുക്കളിലും പായ്ക്കറ്റ്
നോക്കിയാല്‍ ഈ പ്രത്യേക ഘടകത്തിന്റെ പേര് കാണാം. ഷുഗര്‍ എന്നത് കാണുന്നവര്‍ ഒഴിവാക്കുന്ന ഭക്ഷണവസ്തുക്കളില്‍ വളരെ
ബുദ്ധിപരമായി ഇതിനേക്കാള്‍ ദോഷകരമായ മാള്‍ട്ടോഡെക്‌സ്ട്രിന്‍ പല രൂപത്തിലുമായി എഴുതിച്ചേര്‍ത്തിരിയ്ക്കും. ഇത്
ചിലപ്പോള്‍ സീറോ ഷുഗര്‍ എന്നു പറഞ്ഞ് വരുന്നു. കുട്ടികള്‍ക്ക് കൊടുക്കുന്ന പല ഭക്ഷണ വസ്തുക്കളിലും നാം കഴിയ്ക്കുന്ന
പല രുചികരമായ, മധുരമുള്ളവയിലും ഇത് അടങ്ങിയിട്ടുണ്ട്. ഇത് കോണ്‍ സിറപ്പ്, ഫ്രക്ടോസ് സിറപ്പ്, ഗ്ലൂക്കോസ് സിറപ്പ് എന്നി
ങ്ങനെ പല പേരുകളില്‍ ഉപയോഗിയ്ക്കുന്നു. തടി കുറയണോ, ബ്രേക്ഫാസ്റ്റില്‍ ഇവ കഴിയ്ക്കൂ....
ഗ്ലൈസമിക് ഇന്‍ഡെക്‌സ്
ഇതിന്റെ ഗ്ലൈസമിക് ഇന്‍ഡെക്‌സ് എന്നത് 100 ആണ്. അതായത് രക്തത്തില്‍ ഷുഗര്‍ തോത് ഉയര്‍ത്തുന്ന അളവാണിത്. ഇത്
കൂടുന്തോറും കൂടുതല്‍ ദോഷകരമാണ്. ജിഐ അതായത് ഗ്ലൈസമിക് ഇന്‍ഡെക്‌സ് പ്രമേഹത്തിന്, അമിതവണ്ണത്തിന്, ലിവര്‍
പ്രശ്‌നങ്ങള്‍ക്ക്, ഹൃദയ പ്രശ്‌നങ്ങള്‍, എന്തിന് ക്യാന്‍സറിന് പോലും കാരണമാകുന്നു. പഞ്ചസാര ദോഷകരമാണ്. ഇതിലെ ഗ്ലൈ
സമിക് ഇന്‍ഡെക്‌സ് എന്നത് 65 ആണ്. എന്നിട്ടു പോലും ഇത് ദോഷകരമാണ്. അപ്പോള്‍ 100 ഗ്ലൈസമിക് ഇന്‍ഡെക്‌സ് എത്ര അ
പകടകമാണെന്ന് നമുക്ക് ചിന്തിയ്ക്കാവുന്നതേയുള്ളൂ. ഗ്ലൈസമിക് ഇന്‍ഡെക്‌സ് 30ല്‍ താഴെ വരുന്നതാണ് ആരോഗ്യകരം എന്ന്
പറയാം.
കുട്ടികള്‍ക്കും
നാം കുട്ടികള്‍ക്ക് നല്‍കുന്ന കാന്‍ഡി, ചിപ്‌സ്, ജാമുകള്‍, കൃത്രിമജ്യൂസുകള്‍, സോസുകള്‍, ജെല്ലി, ക്യാനില്‍ വരുന്ന ഫ്രൂട്‌സ് എന്നി
വയെല്ലാം തന്നെ ഇത്തരം മധുരം ഉപയോഗിയ്ക്കുന്നവയാണ്. ഇവ കുട്ടികള്‍ക്കും മുതിര്‍ന്നവര്‍ക്കും ഒരുപോലെ ദോഷകരമാണ്.
ഇതുപോലെ ന്യൂട്രീഷന്‍ ബാറുകള്‍, സ്‌പോട്‌സ് ഡ്രിങ്കുകള്‍, പായ്ക്കറ്റിലെ ചിപ്‌സ് എന്നിവയില്‍ എല്ലാം ഈ രീതിയില്‍ അപകട
കരമായ മധുരം അടങ്ങിയിട്ടുണ്ട്. പിസ, ബര്‍ഗര്‍ പോലുളളവയെല്ലാം കടയില്‍ നിന്നും വാങ്ങുമ്പോഴും ദോഷം വരുത്തുന്നു.
സോഫ്റ്റ് ഡ്രിങ്ക്‌സ്
പായ്ക്കറ്റ് ജ്യൂസ്, സോഫ്റ്റ് ഡ്രിങ്ക്‌സ് എന്നിവയെല്ലാം ഇത്തരത്തിലെ മധുരം ഉപയോഗിയ്ക്കുന്നു. ഇതുപോലെ ജ്യൂസ് കടകളിലും
ഐസ്‌ക്രീമുകളിലുമെല്ലൊം നത്‌നെ ഇത് മധുരത്തിന് പകരമായി ഉപയോഗിയ്ക്കുന്നുണ്ട്. വില കുറവാണെന്നതാണ് ഇത്തരം മധുരം
പ്രചാരത്തില്‍ വരാനുള്ള പ്രധാനപ്പെട്ട കാരണം. മാത്രമല്ല, മാള്‍ട്ടോഡെക്‌സ്ട്രിന്‍ ചേര്‍ത്താല്‍ ഭക്ഷണ വസ്തുക്കള്‍ ഏറെക്കാലം
കേടാകാതെ ഇരിയ്ക്കുകയും ചെയ്യുന്നു. നാം കടകളില്‍ നിന്നും ഇത്തരം ഭക്ഷണവസ്തുക്കള്‍ വാങ്ങുമ്പോള്‍ ഇവ ഇല്ലെന്ന് ഉറപ്പു
വരുത്തി കഴിയ്ക്കണം.
*******
