- Tirur Road,Kuttippuram,Malappuram
- Phone: +917592997991
- hayathmedicare@gmail.com
കാലാവസ്ഥ മാറുന്നത് അനുസരിച്ച് ചുമയും പനിയും ജലദോഷവുമൊക്കെ വരുന്നത് സ്വാഭാവികമാണ്. പ്രധാനമായും
തൊണ്ട വേദനയും തൊണ്ടയിലെ കരകരപ്പുമാണ് പലരും നേരിടുന്ന പ്രധാന പ്രശ്നങ്ങളിലൊന്ന്. പനിയ്ക്ക് മുന്നോടിയായും
അല്ലാതെയുമൊക്കെ തൊണ്ടയിൽ പ്രശ്നങ്ങൾ ഉണ്ടാകാറുണ്ട്. മഴക്കാലത്ത് ഇത്തരം പ്രശ്നമുണ്ടാകുന്നത് പതിവാണ്. വൈറസും
ബാക്ടീരിയും പെട്ടെന്ന് മഴക്കാലത്ത് വരുന്നതാണ് ഈ പ്രശ്നത്തിന് കാരണമാകുന്നത്. ഇത്തരത്തിൽ തൊണ്ടയിൽ ബുദ്ധിമുട്ട്
ഉണ്ടാകുമ്പോൾ അത് ഭക്ഷണം കഴിക്കാനും വെള്ളം കുടിക്കാനുമൊക്കെ പ്രയാസമുണ്ടാകാറുണ്ട്. ഈ പ്രശ്നം മാറ്റാൻ വീട്ടിൽ
തന്നെ ചെയ്യാൻ കഴിയുന്ന ചില പാനീയങ്ങൾ
വെളുത്തുള്ളിയും നാരങ്ങയും
പ്രകൃതിദത്തമായ ആൻ്റി ബയോട്ടികാണ് വെളുത്തുള്ളി. ഇത് രോഗപ്രതിരോധ ശേഷി കൂട്ടാനും ഏറെ സഹായിക്കും.
വൈറ്റമിൻ സി അടങ്ങിയ നാരങ്ങ ആൻ്റി മൈക്രോബയൽ ഗുണങ്ങളാൽ സമ്പുഷ്ടമാണ്. ഒരു കപ്പ് ചെറു ചൂട് വെള്ളത്തി
ലേക്ക് കുറച്ച് രണ്ടോ മൂന്നോ അല്ലി വെളുത്തുള്ളി ചെറുതായി അരിഞ്ഞതും അര നാരങ്ങയുടെ നീരും ഒരു ടീ സ്പൂൺ തേനും
ചേർത്ത് യോജിപ്പിക്കുക. കഫം പോലെയുള്ള പ്രശ്നങ്ങൾ മാറ്റി തൊണ്ടയിലെ ബുദ്ധിമുട്ടുകൾ നീക്കാൻ ഏറെ നല്ലതാണ്
വെളുത്തുള്ളി.
ഇഞ്ചി, നാരങ്ങ, തേൻ
തൊണ്ട വേദനയ്ക്കുള്ള മികച്ച പരിഹാരമാണിത്. ഈ മൂന്ന് ചേരുവകളുടെയും ഗുണം തൊണ്ടയിലെ അണുബാധയെ
വേഗത്തിൽ ഇല്ലാതാക്കും. നാരങ്ങയുടെ സിട്രിക് സ്വാഭാവം തൊണ്ടയ്ക്ക് ആശ്വാസം നൽകുന്നു. അതുപോലെ ഇഞ്ചിയുടെ
ആൻ്റി ഇൻഫ്ലമേറ്ററി ഗുണങ്ങളും ആൻ്റി ഫംഗൽ ഗുണങ്ങളും വളരെ നല്ലതാണ്. ഇതിനായി ആദ്യം ഒരു ഗ്ലാസ് വെള്ളം
നന്നായി തിളപ്പിക്കുക. ഇതിലേക്ക് ഗ്രേറ്റ് ചെയ്ത ഇഞ്ചി ചേർക്കുക. നന്നായി തിളച്ച ശേഷം തീ ഓഫാക്കി ഇത് മാറ്റി വയ്ക്കാം.
എന്നിട്ട് ഇതിലേക്ക് അര നാരങ്ങയുടെ നീരും ഒരു സ്പൂൺ തേനും ചേർത്ത് കുടിക്കാവുന്നതാണ്.
ഇഞ്ചിയും തേനും
വേദനസംഹാരിയായ ഗുണങ്ങളുള്ള പ്രകൃതിദത്ത വിരുദ്ധ ബാഹ്യാവിഷ്ക്കാരമാണ് ഇഞ്ചി. ഇത് തൊണ്ട വേദനയും
തൊണ്ടയിലെ വീക്കവും കുറയ്ക്കാൻ ഫലപ്രദമാണ്. തേനിന് ആൻ്റിമൈക്രോബയൽ ഗുണങ്ങൾ ധാരാളമായി
അടങ്ങിയിട്ടുണ്ട്. തൊണ്ടയിൽ വേദന കുറയ്ക്കാനും അണുബാധ ഏൽക്കാതിരിക്കാൻ ലെയറായി പ്രവർത്തിക്കാനും
തേനിന് കഴിയും. ഈ പാനീയം ഉണ്ടാക്കാൻ, ആദ്യം നല്ല ഫ്രഷ് ഇഞ്ചി കഴുകി വ്യത്തിയാക്കി 5 മുതൽ 10 മിനിറ്റ് ചൂട്
വെള്ളത്തിലിട്ട് തിളപ്പിക്കുക. അതിന് ശേഷം ഇതിലേക്ക് ഒരു സ്പൂൺ അസംസ്കൃത തേൻ ചേർത്ത് ഇളക്കുക. ചായയുടെ
ഊഷ്മളതയും ഇഞ്ചിയുടെയും തേൻ്റെയും ശക്തമായ സംയോജനവും ഒരുമിച്ച് പ്രവർത്തിച്ച് തൊണ്ടയ്ക്ക് നല്ല ആശ്വാസം
നൽകുന്നു.
