യോഗ ആരോഗ്യകരമായ ജീവിതശൈലിയുടെ ഭാഗമാണ്. ശാരീരിക വ്യായാമത്തിനൊപ്പം റിലാക്സേഷനും
ശ്വസനവ്യായായമങ്ങളും എല്ലാം ചേര്ന്ന ഒന്നാണ്. ശാരീരിക ആരോഗ്യവും മാനസിക ആരോഗ്യവും ഒരുപോലെ നല്കുന്ന
ഒന്നാണ് ഇത്. ശരീരവും മനസുമായുള്ള ഇഴയടുപ്പം വര്ദ്ധിപ്പിയ്ക്കുന്ന ഒന്നാണ് യോഗ. ഉള്ളില് നിന്നും ശാന്തതയും
സ്വയംതിരിച്ചറിവും എല്ലാം നല്കുന്ന യോഗ സ്ട്രെസ് കുറയ്ക്കാനും ആകെയുള്ള ശാരീരിക ആരോഗ്യം മെച്ചപ്പെടുത്താനും
സഹായിക്കുന്ന ഒന്നാണ്. കുട്ടികള് മുതല് ഏത് പ്രായക്കാര്ക്കും അനുയോജ്യമായ യോഗ ഗര്ഭിണികള്ക്കും ഏറെ
ഗുണകരമാണ്.
ഗര്ഭകാലത്ത് യോഗ
ഗര്ഭകാലത്ത് യോഗ ചെയ്യുന്നത് ദോഷമല്ലെന്നും ഗുണകരമാണെന്നും പഠനങ്ങള് തെളിയിച്ചിട്ടുണ്ട്. ഇത് ഇവരുടെ ശാരീരിക,
മാനസിക ആരോഗ്യത്തിന് പ്രധാനമാണ്. ഇത് ഗര്ഭകാലത്തുള്ള മറ്റേത് ചിട്ടകള്ക്കൊപ്പവും പാലിയ്ക്കാവുന്ന ഒന്നാണ്.
യോഗ അമ്മയ്ക്കും കുഞ്ഞിനും ഇടയിലെ ബോണ്ടിംഗ് വര്ദ്ധിപ്പിയ്ക്കുന്ന ഒന്ന് കൂടിയാണ്. മാത്രമല്ല, ഗര്ഭകാലത്തുണ്ടാകുന്ന
പല മാറ്റങ്ങള്ക്കും നല്ല രീതിയില് സഹായിക്കുന്ന ഒന്ന് കൂടിയാണ് യോഗ.
ഗര്ഭകാലത്ത്
ഗര്ഭകാലത്ത് ശാരീരികമായും മാനസികമായും ധാരാളം മാറ്റങ്ങളുണ്ടാകുന്നു. പല തരത്തിലും അമ്മയുടേയും
കുഞ്ഞിന്റെയും ശാരീരിക, മാനസിക ആരോഗ്യത്തെ ബാധിയ്ക്കുന്ന ഒന്ന് കൂടിയാണ് ഗര്ഭകാലമെന്നത്. മാത്രമല്ല,
സാമൂഹ്യപരമായും വ്യത്യാസങ്ങളുണ്ടാകുന്നു. ശാരീരിക വ്യതിയാനങ്ങളില് തൂക്കം കൂടുന്നത്, ഹോര്മോണ് വ്യത്യാസങ്ങള്,
ശാരീരികമായ പല വ്യത്യാസങ്ങള് എന്നിവ പെടുന്നു, മാനസികമായി, അതായത് ഇമോഷണലി സന്തോഷം മുതല്
സ്ട്രെസും സങ്കടവും ഉത്കണ്ഠയും പല വികാരങ്ങളും ഗര്ഭകാലത്തുണ്ടാകുന്നത് സര്വസാധാരണയാണ്. സോഷ്യലി അഥവാ
സാമൂഹ്യപരമായി പല ഉത്തരവാദിത്വങ്ങളേയും ബന്ധങ്ങളേയും വരെ ബാധിയ്ക്കുന്ന ഒന്നാണ് ഇത്. സുഖപ്രസവത്തിന്
ഗർഭിണികൾ ശീലിക്കണം ഈ യോഗാസനങ്ങൾ
സ്ട്രെസ്
ഗര്ഭകാലത്ത് സ്ട്രെസ്, ഉത്കണ്ഠ, ഡിപ്രഷന് തുടങ്ങിയവ അമ്മയ്ക്കും കുഞ്ഞിനും പ്രശ്നങ്ങളുണ്ടാക്കുന്ന ഒന്നാണ്. കുഞ്ഞിന്
ജനിക്കുമ്പോഴുണ്ടാകുന്ന ഭാരക്കുറവ്, മാസം തികയാതെയുള്ള പ്രസവം, നാഡീസംബന്ധമായ തകാറുകള് തുടങ്ങിയ പല
പ്രശ്നങ്ങളും ഇതുമൂലം ഉണ്ടാകുന്നു. ഇതിനാല് തന്നെ ഇത്തരം പ്രശ്നങ്ങളില് നിന്നും ഗര്ഭകാലത്ത് അമ്മയെ
രക്ഷിയ്ക്കേണ്ടത് അത്യാവശ്യമാണ്. ഇതിന് സഹായിക്കുന്ന ഒന്നാണ് യോഗ.
ഗര്ഭിണികള്ക്ക്
ഗര്ഭിണികള്ക്ക് സപ്പോര്ട്ടും ഒപ്പം ആരോഗ്യകരമായ ശാരീരികവ്യായാമങ്ങളും നല്കേണ്ടതുണ്ട്. ഇതിലൂടെ
കുഞ്ഞിനുണ്ടാകാന് സാധ്യതയുള്ള പ്രശ്നങ്ങള് പരിഹരിയ്ക്കാം. ഇതിനായി ആരോഗ്യസംരക്ഷകര്, കമ്യൂണിറ്റി
പരിപാടികള്, അറിവ് നല്കുന്ന കാര്യങ്ങള് എന്നിവയ്ക്ക് ഗര്ഭകാലത്ത് വഴിയൊരുക്കണം. ചേര്ന്ന വ്യായാമങ്ങള്,
ആരോഗ്യകരമായ ശരീരഭാരം, സ്ട്രെസ് നിയന്ത്രണം എന്നിവയെല്ലാം തന്നെ ഗര്ഭകാലം ആരോഗ്യകരമാകാന് പ്രധാനമാണ്.
ഇത്തരം കാര്യങ്ങളിലൂടെ അമ്മയുടേയും കുഞ്ഞിന്റേയും ആരോഗ്യം സംരക്ഷിയ്ക്കാനും നല്ല ഫലം ലഭ്യമാക്കാനും
സാധിയ്ക്കും.