പ്രതിരോധ ശേഷി വർധിപ്പിക്കാനും അതുപോലെ നല്ല ആരോഗ്യത്തിനും ഈ ഔഷധ സസ്യങ്ങൾ ഏറെ ഗുണം ചെയ്യും.
ആരോഗ്യത്തോടിരിക്കാൻ പല കാര്യങ്ങളും ശ്രദ്ധിക്കേണ്ടത് വളരെ പ്രധാനമാണ്. ശരീരം നന്നാകണമെങ്കിൽ
ജീവിതശൈലിയും ഭക്ഷണശൈലിയുമൊക്കെ പ്രധാനമാണ്. ഇന്നത്തെ കാലത്ത് പലർക്കും ഇതൊന്നും സാധിക്കാറില്ല.
പണ്ട് കാലത്തുള്ളവർക്ക് നല്ല ആരോഗ്യമുണ്ടെന്ന് പറയാറുണ്ട്, അതിന് കാരണം അവരുടെ ജീവിതശൈലി തന്നെയായിരുന്നു.
ഔഷധ ഗുണങ്ങളുള്ള ധാരാളം ഭക്ഷണം സുഗന്ധവൃഞ്ജനങ്ങളുമൊക്കെ അവർ ദൈനംദിനത്തിലെ ഭക്ഷണക്രമത്തിൽ
ഉൾപ്പെടുത്തിയിരുന്നു. അമിതമായ ചൂട് കാലത്ത് ഇത്തരം ഔഷധ ഗുണങ്ങളുള്ള ഔഷധ സസ്യങ്ങൾ കഴിക്കുന്നത് പല
തരത്തിലുള്ള ഗുണങ്ങൾ നൽകാൻ സഹായിക്കും.
മല്ലി
എല്ലാ വീടുകളിലും വളരെ സുലഭമായി കാണുന്നതാണ് മല്ലി. ദഹനത്തിന് ഏറെ മികച്ചതാണ് മല്ലി. മാത്രമല്ല മല്ലിയിലയ്ക്ക്
തണുപ്പ് നൽകാനുള്ള കഴിവുണ്ട്. ശരീരത്തിലെ വിഷാംശം ഇല്ലാതാക്കാനും വീക്കം കുറയ്ക്കാനും ഇത് സഹായിക്കുന്നു.
സലാഡുകൾ, സൂപ്പ്, കറികൾ എന്നിവയിൽ പുതിയ മല്ലിയില ചേർക്കാം. മല്ലിയില മസാലയായി ഉപയോഗിക്കാം അല്ലെങ്കിൽ
ഇത് ഉപയോഗിച്ച് ചായ ഉണ്ടാക്കുന്നതും നല്ലതാണ്.
നെല്ലിക്ക
വൈറ്റമിൻ സി, ആൻ്റി ഓക്സിഡൻ്റ് എന്നിവയാൽ സമ്പുഷ്ടമാണ് നെല്ലിക്ക. പ്രതിരോധശേഷി വർദ്ധിപ്പിക്കാനും
ശരീരത്തിലെ വിഷാംശം ഇല്ലാതാക്കാനും ചർമ്മത്തിൻ്റെ ആരോഗ്യം മെച്ചപ്പെടുത്താനും നെല്ലിക്ക സഹായിക്കും. കൂടാതെ
മുടിക്കും വളരെ നല്ലതാണ് നെല്ലിക്ക. ഇതിൻ്റെ തണുപ്പ് ചൂടിനെ പ്രതിരോധിക്കാനും അതുപോലെ വീക്കം കുറയ്ക്കാനും
സഹായിക്കും. ഫ്രഷ് നെല്ലിക്ക നീര് അല്ലെങ്കിൽ ഉണങ്ങിയ നെല്ലിക്ക പൊടി വെള്ളത്തിൽ കലക്കി ദിവസവും കഴിക്കാം.
നെല്ലിക്ക വെറുതെ കഴിക്കുന്നതും നല്ലതാണ്. സ്മൂത്തികളിൽ ചേർക്കുന്നതും നല്ലതാണ്.
ആര്യവേപ്പ്
പല രോഗങ്ങൾക്കുമുള്ള മരുന്നാണ് ആര്യവേപ്പെന്ന് എല്ലാവർക്കുമറിയാം. പലപ്പോഴും ആരോഗ്യത്തിനും ആര്യവേപ്പ് ഏറെ
നല്ലതാണ്. ആൻ്റി ഫംഗൽ, ആൻ്റി ബാക്ടീരിയൽ, ആൻ്റി ഇൻഫ്ലമേറ്ററി ഗുണങ്ങളാൽ സമ്പുഷ്ടമാണ് ആര്യവേപ്പ്.
ശരീരത്തെ ശുദ്ധീകരിക്കാനും ചർമ്മത്തിനുമൊക്കെ നല്ലതാണ് ആര്യവേപ്പ്. മാത്രമല്ല രോഗപ്രതിരോധ ശേഷി കൂട്ടാനും
ആര്യവേപ്പ് സഹായിക്കും. കയ്പ്പുള്ള ഇലകളാണെങ്കിലും വെറുതെ ചവച്ച് തിന്നുന്നതും ആര്യവേപ്പിൻ്റെ പൊടി
വെള്ളത്തിൽ കലക്കി കുടിക്കുന്നതും നല്ലതാണ്.
പുതിനയില
കറികൾക്ക് നല്ല മണവും രുചിയും നൽകുന്നതാണ് പുതിനയില. പുതിനയ്ക്ക് ശരീരത്തിന് തണുപ്പ് നൽകാനും ദഹനത്തെ
സഹായിക്കുകയും ചെയ്യുന്നു. വേനൽച്ചൂട് മൂലം വഷളാകുന്ന ദഹനപ്രശ്നങ്ങളെ ലഘൂകരിക്കാനും വയറിനെ ശമിപ്പിക്കാനും
ഇത് സഹായിക്കുന്നു. സലാഡുകൾ, പാനീയങ്ങൾ, ചട്ണികൾ എന്നിവയിൽ പുതിനയില ചേർക്കാം. പുതിന ചായയും
ശരീരത്തിന് ഉന്മേഷവും തണുപ്പും നൽകാൻ ഏറെ മികച്ചതാണ്.