കൊളാജന് സപ്ലിമെന്റുകള് കഴിയ്ക്കുന്നത് ചര്മത്തിനും ആരോഗ്യത്തിനും ഗുണകരമാണോ എന്നതിനെ കുറിച്ചറിയാം.
ശരീരത്തിന്, ചര്മത്തിന് അത്യാവശ്യമായ ഒന്നാണ് കൊളാജന്. ഇതാണ് ചര്മകോശങ്ങള്ക്ക് ഇറുക്കം നല്കുന്നത്. ചര്മത്തില് ചുളിവുകളും വരകളും വരാതെ തടയുന്നത്, ചര്മം അയഞ്ഞ് തൂങ്ങാതെ തടയുന്നത്. മസിലുകള്ക്ക് മുറുക്കം നല്കാനം ഇതേറെ നല്ലത് തന്നെയാണ്. ചര്മത്തിനും എല്ലുകള്ക്കും മസിലുകള്ക്കും ശരീരത്തിലെ പല ഭാഗങ്ങള്ക്കും ആരോഗ്യം നല്കുന്ന ഒന്നാണിത്. ഇത് ശരീരത്തിലെ ഒരു തരം പ്രോട്ടീന് തന്നെയാണ്. 28 തരം കൊളാജനുകള് ശരീരത്തിലുണ്ട്.
ചര്മത്തില്
പ്രായമാകുമ്പോള് കൊളാജന് അളവ് ശരീരത്തില് കുറയുന്നത് സാധാരണയാണ്. ഇതിനാല് ചര്മത്തില് ചുളിവുകള് വീഴും, പ്രായം തോന്നിപ്പിയ്ക്കും, എല്ലുകള്ക്കും മസിലുകള്ക്കുമെല്ലാം ബലക്കുറവിനും ഇത് വഴിയൊരുക്കും. ഇതിന് പരിഹാരമെന്നത് കൊളാജന് അടങ്ങിയ ഭക്ഷണം കഴിയ്ക്കുകയെന്നതാണ്. എന്നാല് ഇതില് നിന്നും മാത്രം കൊളാജന് ലഭിയ്ക്കാതെ വരുമ്പോള് കൊളാജന് സപ്ലിമെന്റുകള് കഴിയ്ക്കുന്നതും സാധാരണയാണ്. വാസ്തവത്തില് ഇവ ഗുണകരമോ അതോ ദോഷമോ.
ഗ്യാസ് പ്രശ്നങ്ങള്
കൊളാജന് സപ്ലിമെന്റുകള് പൊതുവേ ആളുകള്ക്ക് പാര്ശ്വഫലങ്ങള് ഉണ്ടാക്കാറില്ല. എന്നാല് ചിലതില് മത്സ്യം, മുട്ട എന്നിവയുടെ ഘടകങ്ങള് ഉണ്ടാകാറുണ്ട്. ഇവയ്ക്ക് അലര്ജിയുള്ളവരില് ഇത് പ്രശ്നങ്ങള് സൃഷ്ടിച്ചേക്കാം. കൊളാജന് കഴിച്ചാല് ചിലര്ക്കെങ്കിലും ഗ്യാസ് പ്രശ്നങ്ങള് ഉണ്ടെന്ന് പറയാറുണ്ട്. എന്നാല് ഇത് സയന്സ് സ്ഥിരീകരിച്ചിട്ടില്ല.
ഭക്ഷണങ്ങളുമുണ്ട്
പൊതുവേ പാര്ശ്വഫലങ്ങള് ഇല്ലാത്തതിനാല് ഇത് ഉപയോഗിയ്ക്കുന്നതില് തെറ്റില്ലെന്ന് പറയാം. ഇത് ആരോഗ്യത്തിനും ചര്മത്തിനും ഗുണകരവുമാണ്. എന്നാല് ഇത് 8-12 ആഴ്ചകള് അടുപ്പിച്ച് ഉപയോഗിച്ചാലേ ചെറിയ ഫലമെങ്കിലും കണ്ടുവരികയുള്ളൂ. അതായത് ഇത് ഫലം നല്കാന് കൂടുതല് സമയം പിടിയ്ക്കുമെന്നര്ത്ഥം. ഏത് കാര്യത്തിലുമെന്ന പോലെ നാച്വറല് വഴികളിലൂടെ കൊളാജന് വര്ദ്ധിപ്പിയ്ക്കുന്നത് തന്നെയാണ് കൂടുതല് ഗുണകരം. ഇതിന് സഹായിക്കുന്ന ധാരാളം ഭക്ഷണങ്ങളുമുണ്ട്.
സപ്ലിമെന്റുകള്
സപ്ലിമെന്റുകള് ദോഷം വരുത്തില്ലെന്ന് തന്നെ പറയാം. മസിലുകള്, എല്ലുകള്, സന്ധിവേദന, ചര്മാരോഗ്യം എന്നിവയ്ക്ക് ഇത് ഗുണകരവുമാണ്. ഇത് ഫലം നല്കാന് അല്പകാലം അടുപ്പിച്ച് കഴിയ്ക്കണം. മാത്രമല്ല, ഇത് ഡോക്ടറുടെ നിര്ദേശ പ്രകാരം കഴിയ്ക്കുന്നത് തന്നെയാണ് കൂടുതല് ഗുണകരവും. ഇത് എത്ര കഴിയ്ക്കണം, എപ്പോള് എന്നതിനെ സംബന്ധിച്ച് മെഡിക്കല് നിര്ദേശങ്ങള് കൂടുതല് ഗുണകരമാകും.