ഉപ്പ് ആരോഗ്യത്തിന് പൊതുവേ നന്നല്ല എന്ന് നമുക്കറിയാം. ബിപിയാണ് ഇതു കാരണമുണ്ടാകുന്ന പ്രധാന വില്ലന്. ബിപി
വരുത്തുന്ന പ്രശ്നങ്ങള് പലതാണ്. ഇതിനാല് തന്നെ ഉപ്പിനെ ഭയക്കേണ്ട അവസ്ഥയാണ്. എന്നാല് ഉപ്പില്ലാതെ ഭക്ഷണം
കഴിയ്ക്കുകയെന്നത് പലര്ക്കും ആലോചിയ്ക്കാന് പോലും ആകാത്ത കാര്യവുമാണ്. പരിഹാരമെന്നത് ആരോഗ്യകരമായ
ഉപ്പാണ്. ഇത്തരം ചില ഉപ്പുണ്ട്. ഹിമാലയന് സാള്ട്ട് അഥവാ പിങ്ക് സാള്ട്ട്, ബ്ലാക് സാള്ട്ട്, റോക്ക് സാള്ട്ട് എന്നിവയെല്ലാം
ഇതില് പെടും. ഇതില് പലതിനും പല ആരോഗ്യഗുണങ്ങളുമുണ്ടുതാനും.
ബ്ലാക് സാള്ട്ട്
ബ്ലാക് സാള്ട്ട് പിങ്ക് സാള്ട്ടല്ല, അഥവാ ഇന്തുപ്പല്ല. പേര് സൂചിപ്പിയ്ക്കുന്നത് പോലെ അല്പം കടുത്ത പിങ്ക് നിറം മുതല് കറുപ്പ്
നിറം വരെയുണ്ടാകും, ബ്ലാക് സാള്ട്ടിന്. പിങ്ക് സാള്ട്ടിന് ലൈറ്റ് പിങ്ക് നിറമാകും. ബ്ലാക് സാള്ട്ട് ആരോഗ്യപരമായ പല
ഗുണങ്ങളുമുള്ള ഒന്നാണ്. ഇതിൽ സോഡിയം ക്ലോറൈഡ്, സൾഫേറ്റ്, ഇരുമ്പ്, മാംഗനീസ്, ഫെറിക് ഓക്സൈഡ് എന്നിവ
അടങ്ങിയിട്ടുണ്ട്,
നെഞ്ചെരിച്ചിൽ
ബ്ലാക് സാള്ട്ട് നെഞ്ചെരിച്ചിൽ ശമിപ്പിക്കുന്നതിനും സഹായിക്കുന്നു. അസിഡിറ്റിയും മലബന്ധവും ഭേദമാക്കാൻ കറുത്ത ഉപ്പ്
ഉപയോഗിക്കുക. വയര് തണുപ്പിയ്ക്കാന് കറുത്ത ഉപ്പ് മികച്ചതാണ്. ഭക്ഷണത്തിന് ശേഷം അര സ്പൂൺ കറുത്ത ഉപ്പ് വെറും
വെള്ളത്തിൽ കലർത്തി കുടിക്കുക. ഇത് ദഹനത്തെ മെച്ചപ്പെടുത്തുവാൻ സഹായിക്കും.എണ്ണമയമുള്ളതോ കൊഴുപ്പുള്ളതോ
ആയ ഭക്ഷണം കഴിക്കുകയാണെങ്കിൽ കറുത്ത ഉപ്പ് ചേർത്ത സലാഡുകൾ കഴിക്കുക.
സാധാരണ ഉപ്പ്
സാധാരണ ഉപ്പ് വാട്ടര് റിട്ടന്ഷന് വഴി തടിയുണ്ടാക്കുന്ന ഒന്നാണ്. എന്നാല് കറുത്ത ഉപ്പ് തടി കുറയ്ക്കാന് സഹായിക്കുന്ന
ഒന്നാണ്. ലിപിഡുകളിലും എൻസൈമിലും ഇത് അലിഞ്ഞുചേരുന്നതിനാൽ, ശരീരഭാരം കുറയ്ക്കാൻ ആഗ്രഹിക്കുന്നവർക്ക്
കറുത്ത ഉപ്പ് ഗുണം ചെയ്യും. ഇത് മലവിസർജ്ജനത്തെ സഹായിക്കുകയും മലബന്ധം ഒഴിവാക്കുകയും ചെയ്യുന്നു. .ഓരോ
ദിവസവും ഒരു നുള്ള് കറുത്ത ഉപ്പ് ചേർത്ത് ധാരാളം വെള്ളം കുടിക്കുന്നത് ഓസ്റ്റിയോപൊറോസിസ് അഥവാ അസ്ഥിക്ഷയം
തടയുവാൻ സഹായിക്കുന്നു.കറുത്ത ഉപ്പ് ചൂടാക്കി മസാജ് ചെയ്യുന്നത് സന്ധി വേദന പരിഹരിക്കാൻ സഹായിക്കുന്നു.
ജലദോഷം മുതൽ അലർജി
ജലദോഷം മുതൽ അലർജികൾ വരെയുള്ള നിരവധി ശ്വാസകോശ സംബന്ധമായ അസുഖങ്ങളിൽ നിന്ന് ആശ്വാസം
ലഭിക്കുവാൻ സഹായിക്കുന്നു ആസ്ത്മ, സൈനസ് പ്രശ്നങ്ങളുള്ള ആളുകൾക്ക് ഈ ആരോഗ്യ പ്രശ്നങ്ങൾ ഒഴിവാക്കാൻ
കറുത്ത ഉപ്പ് ശ്വസിക്കുന്നത് ഏറെ സഹായകരമാണ്. അല്പം കറുത്ത ഉപ്പ് മൂക്കിലേയ്ക്ക് വലിയ്ക്കാം, ഇതല്ലെങ്കില് ഇതിട്ട
വെള്ളം കൊണ്ട് ആവി പിടിയ്ക്കാം.